1. Басты
  2. Біл
  3. Жаңалықтар
  4. Ел жаңалықтары

Алматыда тағы бір емхана вакцинация төлқұжатын сатқан 11 мамыр 2021, 17:31

Алматыда тағы бір емхана қызметкерлері вакцинация паспортын сатты, - деп хабарлайды Tengrinews.kz тілшісі. Ақпарат Facebook әлеуметтік желісінде
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

Фото Tengrinews.kz/Тұрар Қазанғапов Фото Tengrinews.kz/Тұрар Қазанғапов

Алматыда тағы бір емхана қызметкерлері вакцинация паспортын сатты, - деп хабарлайды Tengrinews.kz тілшісі. Ақпарат Facebook әлеуметтік желісінде жарияланды.

Әлеуметтік желі қолданушылары ақпаратына сүйенсек, медицина қызметкерлерінің заңсыз әрекеттері № 4 қалалық емханада анықталған. Онда медицина ұйымы қызметкерлері жалған вакцинация төлқұжаттарын сатқаны айтылған. Вакцина дозалары 15 мың теңге тұрады деген болжам бар.

"Медицина қызметкерлері, соның ішінде бас дәрігерлердің мұндай әрекеті жаппай вакцинация процесін бәсеңдетеді және құнсыздандырады. Себебі бұл жағдайда дәрі-дәрмектерді, жеке қорғаныс құралдарын және медициналық мақсаттағы бұйымдарды сатып алуды жоспарлау бөлігінде статистика өзгереді. Бұл стратегияның кемшіліктеріне әкеледі. Ол қазірдің өзінде саяси мәселе.

Вакциналарды сатып алуға бюджет пен қаржы бөлінеді. Дәл сол жағдайда препарат заңсыз жойылады, яғни салық төлеушілердің ақшасы желге ұшады. Бұл бірінші жағдай емес екенін ескере отырып, мұндай жағдайлардың ауқымы мен ағымын болжауға болады", - деп жазды "Медицина и не только" тобындағы жазба авторы.

Алматы қаласы Қоғамдық денсаулық басқармасы медицина қызметкерлерінің заңсыз әрекетін құқық қорғау органдары тексеріп жатқанын хабарлады.

"Медицина қызметкерлерінің жалған вакциналау дерегі бойынша материалдар құқық қорғау органдарына берілді", - деді ҚДСБ баспасөз қызметі өкілдері.

Бұған дейін Алматыда делдал 15 мың теңгеге бірден бірнеше емхананың атынан вакцинациядан өткені туралы электрон құжат ұсынғаны хабарланған болатын. 

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!



Firebase Cloud Messaging