Алматының бұрынғы бас дәрігеріне 240 миллион теңге айыппұл салынды

17 Мамыр, 16:47
0
Серікбол Мусинов
Серікбол Мусинов

Алматының Денсаулық сақтау басқармасының бұрынғы басшысы Серікбол Мусиновқа қатысты сот үкімі шықты, - деп хабарлайды Tengrinews.kz тілшісі сот залынан. Ол аса ірі көлемде пара берді деген күдікке ілінген болатын.

"ҚР Қылмыстық кодексінің 367-бабының 1 және 2-тармағының 3-бөлігі бойынша ("Пара беру") айыпты деп танылып, 240 миллион теңге мөлшерінде айыппұл төлесін. Айыппұлды төлеу мерзімі - бір жыл", - деп оқыды үкімді судья.

Айыптау актісіне сәйкес, бұл заң бұзушылықтар 2018 жылдың тамызында анықталған болатын. Алматы қаласының прокуроры жоспардан тыс тексеру жүргізген еді. Кейінірек сот барысында ведомство өкілдерінің пара беру бойынша арнайы жоспар дайындағаны анықталды: үш жылда 25 мың доллар мөлшеріндегі пара. Серікбол Мусиновтің қоластындағылары осы жоспардың барлығын басшысына ұсынып отырған.

"Осылайша, Мусинов Боранбаевамен және Серікбаевпен бірге лауазымды тұлғаға 25 мың доллар мөлшерінде пара берген", - деді мемлекеттік айыптаушы.

Еске салайық, ақпан айында Алматының бұрынғы бас дәрігерінің пара берді деген күдікке ілінгені хабарланған болатын. Серікбол Мусинов Алматының Денсаулық сақтау басқармасының басшысы қызметінен 2018 жылдың қыркүйегінде босатылған еді.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай