Алматының орталығында көлік жанып кетті

04 Қыркүйек 2014, 09:16
0
Алматының орталығында көлік жанып кетті - © tengrinews.kz
© tengrinews.kz
Алматының орталығында көлік жанып кетті - © tengrinews.kz
© tengrinews.kz

4 қыркүйек күні таңертең Алматыда Жібек жолы мен Қайырбеков көшелерінің қиылысында жеңіл автокөлік жанып кетті. Бұл туралы Tengrinews.kz тілшісі оқиға орнынан хабарлап отыр.  

Өрт сөндіру қызметінің мамандары төтенше жағдай орын алған жерге өрт сөндіру тобы жіберілгенін жеткізді. Оқиғаның жай-жапсары анықталып жатыр. 

Оқиға куәгері (Md Da деген қолданушы) редакциямызға атвокөліктің өртеніп жатқаны түсірілген видеоны жолдады. Роликтен жеңіл көліктің алдыңғы жағынан от шыққанын көруге болады. Оқиға орнына өртсөндірушілер келді. Зардап шеккендер мен құрбан болғандар жоқ.

Еске сала кетейік, өткен тамыз айында Алматыдағы "Мерей" сауда орталығы жанында Audi көлігі жанып кеткен еді. Жүргізуші екінші дәрежелі көшеден Райымбек даңғылына шыққан кезде көлігі кенеттен отқа оранған. Ол машинадан шығып үлгерді. Оқиғадан ешкім зардап шеккен жоқ, автокөліктің өзі түгел өртеніп кетті. Мұның алдында Байзақов көшесінің Гоголь және Мақатаев көшелерінің аралығындағы тұсында жүк көлігі өртенген еді. Көлік Royal Petrol май құю бекетінің жанында тұрған. Жүргізушінің кабинасы түгел жанып кетті. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай