Анасы ұрып-соққан тараздық баланың ісі бойынша қосымша сараптамалар тағайындалды

20 Шілде 2015, 11:34
0
Анасы ұрып-соққан тараздық баланың ісі бойынша қосымша сараптамалар тағайындалды - ©YouTube кадры
©YouTube кадры

Анасы ұрып-соққан тараздық бала ісі бойынша қосымша сараптамалар тағайындалды. Бұл туралы Tengrinews.kz тілшісіне Жамбыл облысы ІІД баспасөз қызметі хабарлады. Осыған дейін жеті жасар Серік Басмановты оның анасы тәрбиелеу мақсатында ұрып-соққаны хабарланды.

"Тергеу әзірше аяқталған жоқ, қазіргі уақытта биологиялық және психологиялық сараптама тағайындалды. Баланың анасы да тексеріледі. Бұл шара екі аптадан бір айға дейін созылуы мүмкін, кейін бұл іс сотқа беріледі. Әйел үйінде, тергеушілер одан жауап алды. Ол баласын тәрбиелеу мақсатында ұрып-соққанын мәлімдеді. Ал баласы кәмелетке толмағандарды бейімдеу орталығына орналастырылды. Оның жағдайы қалыпты", - деді ІІД баспасөз қызметінің өкілдері. 

Еске салайық, осыған дейін Таразда соққыға жығылған 7 жасар баланың видеосы Интернетті дүрліктірген болатын. Кадрларда дүкендердің бірінің жұмысшыларының баланың көптеген жарақаттарын таңып жатқаны көрінеді. Ал кадр сыртындағы адамдар баланы шешесі ұрды деп, оның ісін сөгеді. Алайда видеоны түсіріп тұрғандардың бірі баланың ылғи да осылайша жарақаттармен келетінін айтады. Бала болса әлденеден қорқып қалған, өзінің тұрғылықты мекен-жайы мен телефонын айтудан бас тартады. Видео YouTube ресурсына салынғаннан кейін бірнеше күн ішінде 40 мың рет көріліп үлгерді. Кейін Полиция Таразда соққыға жығылған бала түсірілген видеоға түсінік берді. Полиция өкілдерінің айтуынша, баланы ұрып-соғу дерегі бойынша "Кәмелетке толмаған баланы қадағалау міндеттемелерін және тәрбиелеу жөніндегі міндеттерін атқармау, оларға қатыгездікпен қарау" бабы бойынша қылмыстық іс қозғалды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай