Синоптиктер Қазақстанда 1-3 маусымда ауа райы қандай болатыны туралы болжам жасады, - деп хабарлайды Tengrinews.kz тілшісі.
Метеорологтар мәліметінше, күнтізбе бойынша Қазақстанның барлық аймағында күн жылы болады. Қазақстанның басым бөлігінде ауа райына антициклон әсер етеді. Тек батыс облыстар мен оңтүстік-шығыстың таулы аймақтарында ғана найзағай ойнап, қысқа мерзімді жаңбыр жауады.
"Ауа температурасы бірте-бірте көтеріледі деп күтіледі, күндіз еліміздің солтүстік-батысында және солтүстігінде термометр бағамдары +36-41 градусқа дейін, шығыста +28-33 градусқа дейін, орталықта +30-39 градусқа дейін, оңтүстікте +37-43 градусқа дейін, оңтүстік-шығыста +30-37 градусқа дейін көтеріледі", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
