Арманы Байқоңырды көру - Ғарышқа екі рет ұшқан астронавт әйел елімізде

05 Шілде, 17:38
0
Арманы Байқоңырды көру - Ғарышқа екі рет ұшқан астронавт әйел елімізде -

Екі мәрте ғарышта болған батыр әйел Мэри Эллен Уебер елордаға келді, - деп хабарлайды Tengrinews.kz тілшісі. 

Журналистермен өткен кездесу барысында ғарышкер әйел қызықты әрі қауіпті қызметі жайлы айтып берді. Ол алғаш рет 1995 жылы байланыс серігін орнату үшін Дисковери кемесімен ұшқан екен, бес жылдан кейін халықаралық ғарыш айлағының ашылуына қатысты.

"Бөгде планетаға аттану үлкен жауапкершілік жүктейді. Біріншіден бұл қауіпті, соған қарамастан еш қателік жібермеуге міндетті едім. Себебі экипаждың амандығы маған байланысты болды", - дейді ол. Мэри Элленнің астронавт болуына анасы себепкер. Он жыл бойы НАСА-ның ғарышкері болған бірегей жанның ендігі арманы Байқоңыр ғарыш айлағын көзімен көру.

"Мен алғашқы сапарымды ұмытпаймын. Ғарышқа жету үшін бар-жоғы 8,5 минут керек. Қозғалтқыш өшкенде кабина іші бос кеңістікке айналады. Ішіндегі адам еркін ұшып жүреді ғой. Сол сәтте мен қауіпсіздік белдігін шешіп, терезеге беттедім. Себебі сырттағы көріністі суретке түсіруім керек болды. Ғарыштан жерді көру - ерекше сезім. Оны сөзбен суреттей алмаспын", - дейді Мэри Эллен Уебер.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай