"АрселорМиттал Теміртау" жұмысшыларын қысқартпайды

14 Ақпан 2014, 22:03
0
"АрселорМиттал Теміртау" жұмысшыларын қысқартпайды - "АрселорМиттал Теміртау" жұмысшылары. Фото nv.kz
"АрселорМиттал Теміртау" жұмысшылары. Фото nv.kz
"АрселорМиттал Теміртау" компаниясы жұмысшыларды жаппай қысқартуды жоспарлап отырған жоқ, - деп хабарлайды "Интерфакс-Казахстан" агенттігі компанияның баспасөз қызметіне сілтеме жасап.

Бейсенбі күні аймақ әкімі Бауыржан Әбдішев "АрселорМиттал Теміртау" компаниясының жетекшісі Виджай Махадеванмен кездесіп, қысқартуды мүмкіндігінше азайтуды сұраған болатын. Сондай-ақ, осы кездесуде компания жетекшісі әлеуметтік шиеленісті болдырмауға сөз берген еді.

Бүгін компания басшылығы жұмысшыларының орнын барынша сақтап қалу туралы шешім шығарды. Осыған байланысты "2500 жұмысшы қысқарады" деген ақпарат маңызын жоғалтты.

"АрселорМиттал Теміртау" халықаралық "ArcelorMittal" құрыш құю өндірісінің концерні және Қазақстандағы тау-кен металл өнімдерінің ең ірі өндірушісі. Бұл компанияға Теміртау меткомбинаты, Қарағанды облысындағы 8 көмір шахтасы, Қарағанды, Ақмола, Қостанай облыстарындағы руда және темір рудаларының кеніштері қарайды.

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай