+7 (777) 001 44 99
Қазақша
Русский
English
Қазақша
Русский
English
Арыстағы төтенше жағдайға байланысты қала аумағында дезинфекция жұмыстарын жүргізу мақсатында Жамбыл және Қызылорда облыстарынан арнайы мамандар тобы келді, - деп хабарлайды Tengrinews.kz тілшісі Түркістан облыстық Өңірлік коммуникациялар қызметіне сілтеме жасап.
Дереккөздің мәліметінше, бұл топтар өздеріне бөлінген аумақтарды тазартқанша бірнеше күн жұмыс істейді.
© Түркістан облыстық Өңірлік коммуникациялар қызметі
"Жамбыл облысынан тауарлар мен көрсетілетін қызметтер сапасын бақылау департаментінен және өзге де залалсыздандыру орталықтарынан жалпы саны 30-ға жуық маман келді. Ал Қызылорда облысынан ұлттық сараптама орталығының осы өңірдегі филиалынан 17 маман келсе, өзге де осы салаға жауапты мамандар залалсыздандыру жұмыстарын бастап кетті. Бұл бригадалардың бәрі техникамен, қажетті құрал-жабдықпен, қамтылған", - деп хабарлады Өңірлік коммуникациялар қызметіндегілер.
Арыста қаза тапқандар саны көп деген хабарламалар жалған - ІІМ
Еске салайық, 24 маусымда сағат 9.20-да Арыс маңындағы әскери бөлім территориясында орналасқан қару-жарақ қоймасында оқ-дәрілер жарылған болатын. Кейінірек Қазақстан Президенті Қасым-Жомарт Тоқаев Арысқа барып, жарылыстың зардаптарын жою жөнінде шұғыл шаралар қабылдауды тапсырған еді.
