"Ашушаң адам еді" - көршілері алматылық атқыш туралы

"Бұқар Жырау Тауэрс" тұрғын үй кешенінің тұрғындары кеше, 24 сәуірде күзетшіге оқ атып, кейін пәтерінде жасырынып, терезеден секіріп кеткен атқыштың қандай адам болғанын айтып берді. Көршілердің айтуынша, олар ер адам өзін дұрыс ұстамайтынын айтып, бұрыннан бері шағымданып келген, - деп хабарлайды Tengrinews.kz тілшісі.

Instagram әлеуметтік желісінің қолданушысы Aizhan_m_ парақшасында ПИК-тің (пәтер иелерінің кооперативі)  әрекетсіздігін айтып, жазба жариялады. Әйел пәтер иелері көршісінің оғаш мінез-құлқына бірнеше рет шағымданғанын жазған.

"Кеше өте қорқынышты болды, тіпті сөзбен айтып жеткізу мүмкін емес. Оқиға болған кезде атысты естіп қана қоймай, терезеден көру қорқынышты. Мұның бәрі қалай болды? Неге? Мен қазір жұмыс істеп тұрған ПИК төрағасы Берік Орынтаевқа жүгінгім келеді: Сіз бұған қалай жол бердіңіз? Неліктен белсенді жұмыстар жүргізілмеді. Тұрғындар плакат ілінгенде, атыс болған кезде, ол Желідегі тұрғындар тобына түсініксіз нәрселер жазған кезде бірнеше рет шағымданды. Шиеленіс белгілері болды, ПИК басшылығы ешқандай әрекет жасамады, нәтижесінде адам өз-өзіне қол жұмсады. Сіз оны тек ортақ топтан шығарып тастадыңыз. Сіз ешқандай жауапкершілікті мойныңызға алмадыңыз. Тіпті сізден төтенше жағдай кезінде де тұрғындарды тыныштық сақтауға шақыратын бірде-бір хабарлама келмеді. Сіз қанша уақытқа дейін үндемей, тұрғындардың сұрақтарын елемей жүре аласыз. Бұдан әрі жол жоқ! Өкілдікті тапсырып, қазірдің өзінде құрылып жатқан меншік иелері бірлестіктері жұмысына мүмкіндік беру керек!",- деп жазды әйел жазбада.

Tengrinews тілшісі тұрғын үйдің тағы бір тұрғынымен жеке әңгімелесті. Аты-жөнін жасыруды сұраған ер адам кеше пәтер терезесінен "атқыш" құлаған жерде отырған.

Көршісінің айтуынша, ер адам "Бұқар Жырау Тауэрс" тұрғын үй кешенінде 10 жылдан аса уақыт тұрған.

"Ол жақсы адам болатын, адамдарға көмектесетін. Ол көптеген игі істер жасады және Құдай сөзіне берік адам болды. Қазір әйелі кетті қалған, тағы бір нәрсе деп айтылып жатқандар... олай емес, ол шыдық емес. Оны әйелі, балалары қатты жақсы көрді. Оны барлығы құрметтеді. Бірақ ол менталды тұрғыда ауыратын. Жақында ауру күшейе түсті", - деді журналистке ер адамның көршісі.

Ол марқұмның тез ашуланатынын және сөзіне берік адам екенін айтты. Оның нұсқасы бойынша күзетші мен ер адамның арасындағы жанжалға күзетшінің аңдаусыз сөйлеген сөзі себеп болуы мүмкін.

"Ең алдымен, күзетші дұрыс емес нәрсе айтқан шығар, кейін жанжал туған. Мен ол жиһазға бола жанжал шығарып, адамдарды атады дегенге сенбеймін. Кеше мен қала шетінде болдым. Бірақ атыс туралы естігенде, бірден сол екенін түсіндім. Бірақ бұрын мен оның мұндай мінез-құлықын байқаған емеспін. Ол жай ғана ашушаң адам еді", - дейді ер адам.

Ол көршісі өте жақсы адам екенін айтты.

"Мен оны аяймын, өйткені ол өте жақсы адам еді. Мен ол көмектескен көп адамды білемін. Ол адамдар неге үнсіз отырғанын түсінбеймін. Ол жомарт, қонақжай, қайырымдылықпен де айналысқан. Неліктен бұлай болғанын білмеймін", - деді әңгімелесуші.

Тағы бір көршісі тілшіге бүкіл блок тұрғындары 17-ші қабаттағы ер адамның "оғаш" қылықтары туралы білетінін айтты. Тұрғындар одан аулақ болуға тырысқан.

"Ол ПИК басшысын өлтіру мақсатында шыққан. Егер оны шақырса, өлтірер еді. Солай айтып жүр. Өзім не болғанын білмеймін. Мен одан қорқатынмын, анам онымен мұқият болуды жиі айтатын. Бүкіл блок оның қандай екенін біледі. Онымен жеке сөйлесіп көрмегенмін", - деді тағы бір көршісі.

Айта кетейік, 24 сәуірде күндіз Бұқар жырау бульварындағы "Бұқар жырау Тауэрс" тұрғын үй кешенінде ер адам (сол пәтерде тұруы мүмкін) мен күзетші арасында жанжал болып, нәтижесінде ер адам аңшы мылтығымен күзетшінің аяғынан атқаны хабарланған еді. Желіде оқиғаның видеосы жарияланған болатын. Артынша оқ атқан ер адам терезені сындырып, секіріп кетті.

Кейін күдіктінің пәтерде тығылып жатқаны хабарланған болатын. Қарулы адам келіссөзден бас тартып, баспалдақ аумағына қарай 10-нан аса оқ атқан. 

Арнайы операция аяқталғанға дейін ҚР ҚК-ның 293-бабы "Бұзақылық" бойынша іс қозғалған.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!