Премьер-министр қызметіне Асқар Маминнің кандидатурасы мақұлданды, - деп хабарлайды Tengrinews.kz тілшісі.
10 қаңтарда Қасым-Жомарт Тоқаев Мәжіліс депутаттары сайланғаннан кейін Үкімет заң бойынша отставкаға кетуі керегін айтқан болатын.
Мәжілісмендердің көпшілігі Асқар Маминнің кандидатурасын қолдады.
"Қатысып отырған 99 депутат, жақтағандар 78, қалыс қалғандар 21", - деп оқыды дауыс беру нәтижесін Нұрлан Нығматулин.
Президент Қасым-Жомарт Тоқаев Асқар Маминді құттықтады.
Назарбаев премьер-министрдің кандидатурасына қатысты ойын айтты
Асқар Мамин 1965 жылы 23 қазанда туған. Целиноград инженерлік-құрылыс институтын бітірген. "Қазақстан темір жолы" ұлттық компаниясы АҚ-ның президенті болып қызмет еткен, 2016-2019 жылдары Қазақстан Республикасы Премьер-министрінің бірінші орынбасары болды.
2019 жылы 25 ақпанда Қазақстан Республикасының премьер-министрі болып тағайындалды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!