Синоптиктер Астана мен Алматыда демалыс күндері және дүйсенбіде ауа райы қандай болатынын айтты, - деп хабарлайды Tengrinews.kz тілшісі.
Астанадағы ауа райы болжамы
14 желтоқсанда Астанада ауа райы ауыспалы бұлтты, күндіз жауын-шашын (жаңбыр, қар), көктайғақ күтіледі. Жел оңтүстіктен 9-14 м/с. Ауа температурасы түнде 3-5 градус аяз, күндіз шамамен 0 градус.
15 желтоқсанда бұлтты, түнде жауын-шашын (жаңбыр қарға ауысады), күндіз қар жауады. Боран, көктайғақ. Түнде және таңертең тұман. Жел оңтүстік-батыстан 9-14 м/с, екпіні 15-20 м/с. Ауа температурасы түнде және күндіз 5-7 градус аяз, күндіз әрі қарай төмендейді.
16 желтоқсанда ауыспалы бұлтты, кейде қар жауады, боран күтіледі. Түнде және таңертең тұман. Жел оңтүстік-батыстан, оңтүстіктен 9-14 м/с, екпіні 15-20 м/с. Ауа температурасы түнде 16-18 градус аяз, күндіз 10-12 градус аяз.
Алматыдағы ауа райы болжамы
14 желтоқсанда Алматыда ауыспалы бұлтты ауа райы, жауын-шашынсыз. Жел оңтүстік-шығыстан оңтүстік-батысқа ауысады, жылдамдығы 3-8 м/с. Ауа температурасы түнде 7-9 градус аяз, күндіз 3-5 градус жылы.
15 желтоқсанда ауыспалы бұлтты, күннің соңында жауын-шашын (жаңбыр, қар). Жел батыстан 3-8 м/с. Ауа температурасы түнде 3-5 градус аяз, күндіз 5-7 градус жылы.
16 желтоқсанда бұлтты, қар жауады, түнде кей жерлерде қатты қар. Кейде тұман, жолдарда көктайғақ. Жел солтүстік-батыстан 2-7 м/с. Ауа температурасы түнде 12-14 градус аяз, күндіз 7-9 градус аяз.
Сілтемесіз жаңалық оқисыз ба? Онда Telegram желісінде парақшамызға тіркеліңіз!