Астанада дрондар шоуы өтеді, - деп хабарлайды Tengrinews.kz тілшісі елорда әкімдігі мәліметіне сілтеме жасап.
Ведомство мәліметінше, елорда күнін атап өту үшін 100-ге жуық түрлі іс-шара жоспарланған.
"6 шілде – Астана күніне орай дрондардың жарық шоуы ұйымдастырылады. Шоу демеушілік қаражат есебінен ұйымдастырылады", - делінген хабарламада.
26 маусымнан 4 шілдеге дейін аппаратураның техникалық жай-күйі мен қабілетін тексеру үшін техникалық ұшулар орындалады. Көріністі елорда тұрғындары мен қонақтары 6 шілдеде ЭКСПО аумағында көре алады. Уақыты туралы қосымша хабарланатыны айтылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
