Астанада балаларды қағып кеткен полицей жауапкершілікке тартылды

24 Шілде 2018, 10:07
0
Астанада балаларды қағып кеткен полицей жауапкершілікке тартылды - Куәгер жолдаған сурет
Куәгер жолдаған сурет

Астанада жаяу жүргіншілер жолында екі баланы қағып кеткен полицейге қатысты қызметтік тексеріс жүргізіледі, - деп хабарлайды Tengrinews.kz тілшісі қалалық ІІД баспасөз қызметіне сілтеме жасап.

"Жүргізушіге қатысты қызметтік тексеріс тағайындалды. Патрульдік көліктің жүргізушісі ҚР Әкімшілік құқық бұзушылық туралы кодекстің 610-бабы ("Көлiк құралдары жүргiзушiлерінiң жол жүрісі қағидаларын адамдардың денсаулығына зиян келтiруге, көлiк құралдарының немесе өзге де мүлiктiң бүлінуіне алып келген бұзушылығы") және 611-бабы бойынша ("Жүргізушінің жол-көлік оқиғасына байланысты міндеттерді орындамауы') жауапкершілікке тартылды. Материалдар әкімшілік сотқа жолданды", - деп хабарлады ведомствоның баспасөз қызметі.

Еске сала кетейік, мұның алдында Астана полицейлерінің жаяу жүргіншілер жолында балаларды қағып кеткені жайлы хабарланған болатын. Астана ІІД баспасөз қызметінің хабарлауынша, 2009 жылы туған баланы велосипедіне отырғызып кетіп бара жатқан 13 жастағы жеткіншек жаяу жүргіншілер жолынан жолға қарай шығып кеткен.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай