"Қазгидромет" синоптиктері Астана мен Алматыда алдағы үш күнде - 18, 19 және 20 сәуірде ауа райы қандай болатынын айтты, деп хабарлайды Tengrinews.kz.
Астанадағы ауа райы болжамы
18 сәуірде құбылмалы бұлтты, жауын-шашынсыз. Оңтүстік-батыстан соғатын желдің жылдамдығы 9-14, күндіз екпіні секундына 15-18 метр. Ауа температурасы түнде -1...-3 градус, күндіз +12...+14 градус.
19 сәуірде құбылмалы бұлтты, жауын-шашынсыз. Оңтүстік-батыстан соғатын желдің жылдамдығы секундсына 5-10 метр. Ауа температурасы түнде -1...+1 градус, күндіз +15...+17 градус.
20 сәуір құбылмалы бұлтты, жауын-шашынсыз. Оңтүстік-батыстан соғатын желдің жылдамдығы секундсына 5-10 метр. Ауа температурасы түнде 0...+2 градус, күндіз +17...+19 градус.
Алматыдағы ауа райы болжамы
18 сәуірде құбылмалы бұлтты, түнде және таңертең жаңбыр жауады. Батыстан, солтүстік-батыстан соғатын желдің жылдамдығы 3-8, екпіні секундсына 13 метр. Ауа температурасы түнде +3...+5 градус, күндіз +13...+15 градус.
19 сәуірде құбылмалы бұлтты, күндіз жаңбыр жауып, күн күркірейді. Солтүстік-шығыстан соғатын желдің жылдамдығы 3-8, күндіз екпіні секундсына 13 метр. Ауа температурасы түнде +5...+7 градус, күндіз +13...+15 градус.
20 сәуір құбылмалы бұлтты, жауын-шашынсыз. Оңтүстік-шығыстан соғатын желдің жылдамдығы секундсына 3-8 метр. Ауа температурасы түнде +7...+9 градус, күндіз +18...+20 градус.
Қазақстанда күн жылынады
Бұған дейін синоптиктер алдағы үш күнде Қазақстанда ауа температурасы біртіндеп көтерілетінін хабарлаған болатын. Күндіз термометр бағандары Қазақстанның батысында, солтүстігінде және орталығында 15-23 градус жылыға дейін, шығысында 10-18 градус жылыға дейін, ал оңтүстігі мен оңтүстік-шығысында 17-28 градус жылыға дейін көтеріледі.
