+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Астананың Железнодорожный тұрғын үй массивінде 13 жастағы оқушы Бақдәулет Өмірхан жоғалып кеткен еді. 20 ақпанға қарағанда оның денесі кәріз құдығынан табылды. Баланың әпкесі Айзада Tengrinews.kz тілшісіне оқушы жайлы және оны іздестіру жұмыстары қалай жүргенін айтып берді.
Астананың Железнодорожный тұрғын үй массивінде 13 жастағы оқушы Бақдәулет Өмірхан жоғалып кеткен еді. 20 ақпанға қарағанда оның денесі кәріз құдығынан табылды. Баланың әпкесі Айзада Tengrinews.kz тілшісіне оқушы жайлы және оны іздестіру жұмыстары қалай жүргенін айтып берді.
Бақдәулет №29 мектепте оқыған. Туыстарының айтуынша, ол сабақтан қалмайтын, досы көп болатын. Әпкесінің айтуынша, Бақдәулет ерке бала болмаған.
"Екі әпкесі болды. Ол үшінші, жалғыз ұл. Ол әрдайым үй шаруасына көмектесіп, ешқашан жанжал шығармайтын", - дейді Айзада.
Оны бірнеше күн бойы еріктілкр, әскери қызметшілер іздестірді, ормандар, иесіз қалған үйлер, теміржол өткелдері, кәріз құдықтары арнайы техникамен шарланған.
"Қалай құлап кеткенін ешкім білмейді. Ол маңынан өтіп бара жатқан, ашық люк болған. Бақдәулет сырғанаққа барғысы келген, ал мына құдық дәл жол үстінде. Үстін қар басып қалған", - деді Айзада.
Баланы төрт күн іздеген. Туысының айтуынша, үшінші күні құдықтар картасы берілген, бұл аумақта 200-дей құдық бар болып шықты.
"Бізге карта берілген соң үй маңында төрт құдық бар екенін білдік. Ал дәл сол құдық жайлы ешкім білмеді. Ол жақта барлық дерлік құдықтың беті ашық жатыр. Күні кеше барып, бетонмен жауып тастады. Барлығын жабу керек екенін түсінбейді", - деді баланың әпкесі.
Бүгін, 22 ақпанда бала ата-анасының туған жері Таразда жерленеді.
Еске салайық, мұның алдында Астанада жоғалып кеткен баланың денесі құдықтан табылғаны хабарланған еді. ІІМ Төтенше жағдайлар комитетінің баспасөз қызметі іздестіру ісінің қалай жүріп жатқанын айтып берген. Кейін полиция өкілдері баланың денесінде зорлық белгілері табылмағанын мәлімдеді.
Артынша халыққа есеп беру кездесуінде Астана әкімі Бақыт Сұлтанов қаладағы ашық тұрған кәріздер мәселесі туралы пікір білдірген болатын.
"Камералардың арқасында біз кәріз мәселесін байқайтын болдық. Ауыр жағдай, адам өліміне алып келген жағдайлар болғанын білесіздер, кеше ғана баланы құдықтан тапты. Біз осы желілерді салған және оларды ашық қалдырғандарға түрлі шаралар қолданамыз. Коммуналдық қызмет өкілдерінен күн сайын оларды аралап шығуын сұраймыз", - деді Сұлтанов халыққа есеп беру кездесуінде.
