"Қазгидромет" синоптиктері Астана мен Алматыда алдағы үш күнде - 16, 17 және 18 сәуірде ауа райы қандай болатынын айтты, деп хабарлайды Tengrinews.kz тілшісі.
Астанадағы ауа райы болжамы
16 сәуірде күн құбылмалы бұлтты болады, аздаған жауын-шашын (жаңбырдың соңы қарға ұласуы мүмкін) күтіледі. Солтүстік-шығыстан соғатын желдің жылдамдығы секундына 9-14 метрге жетеді. Ауа температурасы түнде -2...-4 градус, күндіз +2...+4 градус болады.
17 сәуірде күн құбылмалы бұлтты, жауын-шашынсыз болады. Түнде көктайғақ болады. Солтүстік-батыстан соғатын жел оңтүстік-батысқа ауысады, жылдамдығы - секундына 5-10 метр. Ауа температурасы түнде -4...-6 градус суық, күндіз +6...+8 градус жылы болады.
18 сәуірде күн құбылмалы бұлтты, жауын-шашынсыз болады. Оңтүстік-батыстан соғатын желдің жылдамдығы секундына 9-14 метрге жетеді. Ауа температурасы түнде 0...+2 градус, күндіз +12...+14 градус жылы болады.
Алматыдағы ауа райы болжамы
16 сәуірде күн бұлтты болады, таңертең және күндіз жаңбыр жауады, кей уақыттарда қатты жаңбыр жауып, найзағай ойнайды. Батыстан, солтүстік-батыстан соғатын желдің жылдамдығы секундына 5-10 метрге, екпіні 15-18 метрге жетеді. Ауа температурасы түнде +9...+11 градус, күндіз +17...+19 градус жылы болады.
17 сәуірде күн бұлтты болады, жаңбыр жауып, найзағай ойнайды, түнде қатты жаңбыр жауады. Солтүстік-шығыстан соғатын желдің жылдамдығы секундына 3-8 метр, екпіні 15-18 метрге жетеді. Ауа температурасы түнде +8...+10 градус, күндіз +11...+13 градус жылы болады.
18 сәуірде күн құбылмалы бұлтты болады, жаңбыр жауып, найзағай ойнайды. Солтүстік-шығыстан соғатын желдің жылдамдығы секундына 3-8 метр, екпіні 15-18 метрге жетеді. Ауа температурасы түнде +5...+7 градус, күндіз +12...+14 градус жылы болады.
Қазақстанда күн күрт суытады
Еске салсақ, бұған дейін синоптиктер Қазақстанда күн күрт суытатынын айтқан еді. Мамандардың мәліметінше, алдағы күндері шығыста түнде 18 градусқа дейін аяз болуы мүмкін.
