+7 (777) 001 44 99
Қазақша
Русский
English
Астанада алты жастағы қызды зорламақ болды деген күдікті қамауға алынды, - деп хабарлайды Tengrinews.kz тілшісі Астана ІІД баспасөз қызметіне сілтеме жасап.
"Күдіктіге қатысты сот қамауға алу туралы үкім шығарды. Тергеу жалғасып жатыр", - деді ІІД баспасөз қызметіндегілер.
Еске салайық, бұл оқиға 3 мамырда болған еді. Астана қаласының жаңа вокзалының құрылыс аумағындағы жұмысшылардың бірі Асқар Қажығұмаров су қоймасына қарай құрылыстың маңынан өтіп бара жатқан ер адам мен кішкентай қызды байқаған. 22 жастағы жұмысшы Асқар Кенжеғұмаров әріптестерімен бірге қызды зорламақ болған күдіктіні ұстағаны туралы айтып берді. Жұмысшылардың барлығы жаңа вокзалдың жылу жолын салып жатқан. Оқиға Нәжімеденов және №82 көшелерінің қиылысында болған.
"2011 жылы туған кәмелет жасына толмаған қызды сексуалдық сипаттағы зорлық-зомбылық жасауға әрекеттену дерегіне қатысты сотқа дейінгі тергеу шаралары ҚР Қылмыстық кодексінің 121-бабына сәйкес жүріп жатыр. Қажетті сараптамалар тағайындалды. 48 жастағы күдікті бұрындары сотталған, қазіргі уақытта Астана ІІД уақытша ұстау изоляторына қамалған", - деді Астана ІІД баспасөз қызметінің өкілдері.
Осыған дейін, 6 жасар қызды педофилден құтқарған жігіт оқиғаның жай-жапсарын айтып берген болатын.
