Астанада электр қуаты жаппай сөнген, - деп хабарлайды Tengrinews.kz тілшісі "Астана-АЭК" АҚ баспасөз қызметіне сілтеме жасап.
Астаналықтар түн ортасында жарықтың ойнап, кейін электр энергиясының авариялық сөнуіне жаппай шағымданды. Кейбір көпқабатты үйлерде су да өшіп қалған.
"3 қыркүйекте сағат 23:52-де ПНФ қосалқы станциясын қуаттайтын 110 кВ әуе желісінің сол жақ тізбегі апатты түрде өшірілді.
Салдарынан Ақбұлақ шағынауданы, Абылай хан даңғылы, Жұмабаев даңғылы, оңтүстік-шығыс, оң жағалауда жарық болмады.
Сағат 00:19-да ПНФ қосалқы станциясы оң тізбек бойынша қайта іске қосылып, шектеу толығымен алынды. 220/110 кВ әуе желісі қызметінің бригадасы әуе желісін тексеріп жатыр", - делінген "Астана-АЭК" хабарламасында.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
