Астанаға күніне 60 мың автокөлік кіріп-шығады

29 Желтоқсан 2014, 11:40
0
Астанаға күніне 60 мың автокөлік кіріп-шығады - ©Тұрар Қазанғапов
©Тұрар Қазанғапов

Астанаға күнделікті кіретін және шығатын көліктердің саны өткен жылмен салыстырғанда едәуір артып, 60 мыңға жетті, тиісінше жол апаттарының саны ұлғайды - деп хабарлайды Tengrinews.kz тілшісі Астана қалалық ішкі істер департаментінің баспасөз қызметіне сілтеме жасап.

Жыл басынан бері тіркелген автокөліктердің саны - 285 451, ал өткен жылы бұл көрсеткіш 271 164 болған, яғни көліктердің саны 14 286-ға немесе 5,3 пайызға артты.

Баспасөз қызметінің мәлімдеуінше, Астана қалалық ішкі істер департаментінің жол-патруль полициясы жүргізген бір апталық жол қозғалысын бақылау кезінде 3,5 мың жүргізуші жолда жүру ережесін бұзған. Жолда жүру ережесін өрескел бұзғандардың кесірінен жол апаттары көбейіп, адам шығыны да ұлғайған.

Жолда жүру ережесін бұзғандардың 137-сі базып озып немесе басқа да маневр жасаған, ал 205 жүргізуші арнайы белгіге қарамастан, жаяу жүргіншілерге жол бермеген. Сонымен қатар, 535 жаяу жүргінші жолда жүру ережесін бұзды.

Астаналық полицейлер жолда жүру ережесін өрескел бұзғандар, оның ішінде, көлік құралын мас күйінде басқарғандар туралы ақпараттарды жол-патруль полициясына немесе Астана қалалық ішкі істер департаментінің әкімшілік полиция басқармасының кезекші бөлімшесіне мына телефон нөмірлері арқылы хабарлауды сұрайды: 53-22-53, 71-69-80.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай