Атырау облысы Мақат ауданында атыстан 35 жастағы тұрғын қаза тапты, деп хабарлайды Tengrinews.kz тілшісі "Ақ Жайық" басылымына сілтеме жасап.
Қайғылы оқиға 15 мамырда болған.
Ресми емес мәліметке сәйкес, жергілікті тұрғындар арасында жанжал туындап, жаппай төбелес болған. Оның соңы атысқа ұласыпты. Төбелес барысында аңшылық қаруы қолданылған. 35 жастағы ер адам оқиға орнында қаза тапқан. 29 жастағы тұрғын жараланған. Ол аудандық ауруханаға жатқызылған.
Бұл факті бойынша ҚР қылмыстық кодексінің 99 бабы (Адам өлтіру) бойынша сотқа дейінге тергеу басталды.
Полиция Мақат ауданының 20 жастағы екі тұрғын іздестіріп жатыр.
