Атырауда жүргізуші итті көлігіне байлап сүйреген 08 қаңтар 2021, 12:27
Атырауда жүргізуші итті көлікке байлап, көшемен сүйреген. Оқиғаның видеосы әлеуметтік желілерде тарап жатыр, - деп хабарлайды Tengrinews.kz тілшісі.
Әлеуметтік желілерде видео жарияланған соң полиция қызметкерлері ондағы жүргізушіні іздестіре бастаған.
"Аталған факт бойынша Атырау тұрғыны, автокөлік жүргізушісі анықталып, ұсталды. Қылмыстық кодекстің 316-бабы бойынша сотқа дейінгі тергеу амалдары жүріп жатыр", - деді полиция өкілі.
Осыған ұқсас оқиға Екібастұзда да болған. Онда итті көлігіне байлап "қыдыртқан" 72 жастағы ер адам анықталған болатын.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!