1. Басты
  2. Біл
  3. Жаңалықтар
  4. Ел жаңалықтары

Аягөз әкіміне қатысты соталды тергеу жүріп жатыр18 қыркүйек 2020, 16:13

Шығыс Қазақстан облысы бойынша Сыбайлас жемқорлыққа қарсы қызмет өкілдері Аягөз әкіміне қатысты соталды тергеу жүргізіп жатыр, - деп хабарлайды Tengrinews.kz тілшісі.

Ол 1,2 миллион теңге пара алды деген күдікке ілінген.

"Аягөз қаласының әкіміне қатысты мемлекеттік сатып алу туралы шарт бойынша орындалған жұмыстардың актілеріне қол қойғаны үшін жеке кәсіпкерлік субъектіден 1,2 миллион теңге сома пара алу дерегі бойынша сотқа дейінгі тергеу жүргізіліп жатыр.

Күдікті Қазақстан Қылмыстық іс жүргізу кодексінің 128-бабы бойынша ұсталып, уақытша ұстау изоляторына қамалды", - деді Қазақстан сыбайлас жемқорлыққа қарсы іс-қимыл агенттігінің 1-департаментінің аса маңызды істер жөніндегі тергеушісі Данияр Биғайдаров.

Қазақстан жаңалықтары. Соңғы жаңалықтар. Telegram желісінде бізге жазыл!