"Азаматтарға арналған үкімет" менеджері кафедегі даудан кейін жұмыстан шығарылды

15 Қазан 2018, 16:27
0
"Азаматтарға арналған үкімет" менеджері кафедегі даудан кейін жұмыстан шығарылды - Видеодан алынған кадр
Видеодан алынған кадр

"Азаматтарға арналған үкімет" мемлекеттік корпорациясының Маңғыстау облысы бойынша директорының орынбасары Нұрбек Қанаев жұмыстан шығарылды. Корпорацияның баспасөз қызметіндегілер бұл мәліметті растады, - деп хабарлайды Tengrinews.kz тілшісі.

Алайда олар мемлекеттік қызметкердің жұмыстан шығуына қатысты жағдайдың мән-жайын айтпады.

Ішкі істер органдарының қызметкерлері Нұрбек Қанаевқа қатысты іәкімшілік құқық бұзушылық туралы хаттама толтырды. Сот әкімшілік жаза ретінде ескерту жасады.

"Азаматтарға арналған үкімет" мемлекеттік корпорациясының Ішкі қауіпсіздік департаментінің қызметкерлері қызметтік тергеу жүргізді. Қазіргі уақытта Қанаевпен жасалған еңбек шарты күшін жойды", - деп хабарлады баспасөз қызметіндегілер.

Еске сала кетейік, Нұрбек Қанаев қаладағы кафелердің бірінде достарымен демалып отырғанда даяшыдан түбіртекті қазақ тілінде әкелуін талап еткен болатын. Бірақ оның қазақ тіліндегі нұсқасы болмағандықтан, Қанаев шотты төлеуден бас тартып, даяшыны балағаттап, тіпті дәмхананы жауып тастаймын деп қорқытқан. Содан кафе қызметкерлері полиция шақырған болатын. Кейінірек ол кафедегілерден осы дау үшін кешірім сұраған еді.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай