Бас прокуратураның Құқықтық статистика және арнайы есепке алу жөніндегі комитетінің төрағасы Бағдат Мусин қызметінен босатылды, - деп хабарлайды Tengrinews.kz тілшісі Ақорданың баспасөз қызметіне сілтеме жасап.
"Мемлекет басшысының жарлығымен Мусин Бағдат Батырбекұлы Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің төрағасы қызметінен босатылды", - делінген хабарламада.
Қайрат Жақыпбаев Құқықтық статистика және арнайы есепке алу жөніндегі комитет басшылығына тағайындалғаны хабарланып отыр.
35 жастағы Бағдат Мусин бұл орында 2017 жылдың қаңтарынан істеп келді. 2014-тен 2017 жылға дейін ол "Қазпошта" АҚ басқарма төрағасы болған.