1. Басты
  2. Біл
  3. Жаңалықтар
  4. Ел жаңалықтары

Бала терезеден құлап кетпеуі үшін не істейміз? 08 қыркүйек 2021, 10:37

Алматы қаласының Төтенше жағдайлар департаменті ата-ана баласын терезеден құлап кетуден қалай сақтайтынын айтты, - деп хабарлайды Tengrinews.kz
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

Фото:elements.envato.com Фото:elements.envato.com

Алматы қаласының Төтенше жағдайлар департаменті ата-ана баласын терезеден құлап кетуден қалай сақтайтынын айтты, - деп хабарлайды Tengrinews.kz тілшісі.

Соңғы күндері Қазақстанда көпқабатты үйлердің терезесінен балалардың құлау оқиғалары жиілеп кетті. Көбінесе мұндай оқиғалар қайғылы жағдаймен аяқталады. Алматы қаласы Наурызбай ауданы Төтенше жағдайлар департаментінің инженері Әлішер Дубеков балаларды өлім қаупінен сақтайтын ең қарапайым сақтық шараларын бөлісті.

Маманның айтуынша, ең үлкен қауіп алты жасқа дейінгі балаларды ересектердің қарауынсыз қалдыру. Мұндай жағдайларда терезелер ғана емес, сонымен қатар электр және жанғыш заттар да қауіпті болуы мүмкін. Сарапшы ата-ана балаларға терезенің қауіпті екенін түсіндіруі маңызды екенін және оларды терезе ашық тұрған үйде қалдырмау керек екенін ескертті.

"Біздің тәжірибе бойынша, ең қауіптісі - москит торлары бар терезелер. Олар балаға қауіпсіз болып көрінеді. Балалар оларға сүйеніп ойнайды, отырады. Ал терезелер бала салмағын көтере алмайды. Сондықтан терезелерге арнайы пластикалық қорғаныс орнатқан әлде қайда қауіпсіз. Мұндай торлар 30-40 келіге дейінгі салмақты көтереді", - деді Әлішер Дубеков.

Сарапшының айтуынша, балалардың терезеден құлау оқиғасы жазда көп болады. Егер ата-аналар пәтерлерін желдетуді қаласа, барлық терезелерге тор орнатқаны дұрыс. Мұндай торлардың орташа бағасы 8-ден 15 мың теңгеге дейін.

ТЖД инженері балалар бөлмедегі терезелерді өз бетінше аша алмауы үшін оларға арнайы бекіткіштер орнату керек. Олардың құрылғысы велосипед құлыптарына ұқсайды. Бөліктердің бірі терезенің жақтауына жоғарыдан, ал екіншісі терезеге бекітіледі. Сым терезені қатты ашылмайтындай етіп ұстайды.

"Құлыптың өзі терезенің үстіне қойылады, сондықтан ересек адам оны тек орындыққа немесе баспалдаққа тұрып ашады. Мұндай құрылғылар торға қарағанда арзан - 3000-нан 7000 теңгеге дейін. Орташа баға - 5000 теңге", - деді сарапшы.

Сондай-ақ, сарапшы барлық жиһазды, соның ішінде дивандарды, үстелдерді, орындықтар мен креслоларды терезеден алыс қоюға кеңес берді.

Егер сіз жаңа пәтер сатып алсаңыз немесе жөндеу жұмыстарын жасасаңыз, терезе жоғары екеніне көз жеткізіңіз. Сарапшының айтуынша, қазіргі заманғы үйлерде құрылыс салушылар мұны ескереді, бірақ ескі пәтерлерде балалар көбінесе терезе алдына оңай шыға алады.

Егер пәтерде балкон болса, онда оған балаларды жібермеу керек.

"Көптеген ата-ана баланы кішкентай кезінен бастап терезе алдына көтеріп, балконға шығарып ауланы көрсететін әдеті бар. Олай жасамай керісінше балконға өз бетінше шығуға болмайтынын балаға түсіндіру керек", - деп қосты Әлішер Дубеков.

Аудандық ТЖД инженерінің айтуынша, қызметкерлер тұрғындарға түсіндіру жұмыстарын жүргізіп, балаларға арналған қауіпсіздік ережелерін түсіндіреді, бірақ олар әр пәтерге қорғаныс құрылғыларын орната алмайды, бұл туралы ата-ана өздері қамқорлық жасауы тиіс.

Қазақстандағы бала құқықтары жөніндегі уәкіл Аружан Саин ДДСҰ мәліметтері бойынша күн сайын 2000-нан аса адам байқаусызда жарақат алу немесе жазатайым оқиға салдарынан қайтыс болатынын айтты.

Қазақстанда балалар арасында жарақаттанудың жоғары деңгейі де тіркелген. Ресми статистикаға сәйкес, 2020 жылы жазатайым оқиғалардан 364 бала қайтыс болған. 

"Балалар үйде (ашық терезелер, от, улану, шанышқы және кесетін заттар), аулада (ойын алаңдары, соның ішінде сынған, трансформаторлық стендтер, қақтығыстар), алаңдар мен саябақтарда, жолдарда ересектердің қарауынсыз қалғанда қауіп-қатерге тап болады. Бұл жерде ата-ана да, жергілікті атқарушы билік органдарының да инфрақұрылым қауіпсіздігіне қамқорлық жасауға міндетті жауапкершілігі бар", - деді Аружан Саин.

Балалар омбудсмені балконнан, терезеден құлап кетіп жарақат алу қаупін азайтуға болады. Егер сіз балаңызға деген жауапкершілікті сезініп терезелерді ашық қалдырмасаңыз, терезе тұтқаларын қойсаңыз, терезеге жақын жиһаз қоймасаңыз, баланы қараусыз қалдырмасаңыз кез-келген қауіпті алдын алуға болады.

Аружан Саиннің айтуынша, балалар үшін қауіпсіз орта құрудағы жауапкершіліктің белгілі бір бөлігі билікке жүктеледі. Олар Ресейде қабылданған жаңа ГОСТ 23166-2021 "терезе және мөлдір балкон қоршау конструкцияларын" мысалға келтірді, Росстандарттың 2021 жылғы 19 мамырдағы бұйрығымен жаңа бөлім - "қауіпсіз пайдалану және техникалық қызмет көрсету талаптары" енгізілді, онда тұрғын және қоғамдық ғимараттарда терезе блоктарын пайдалану кезінде балалардың қауіпсіздігін қамтамасыз ету талаптарының тізімі бөлек көрсетілген. ГОСТ терезелерде балалар құлпы және арнайы керек-жарақтар болуы керек деп жазады. Күзден бастап бұл талаптар күшіне енеді және жаңа ғимараттар үшін ғана емес барлығы үшін міндетті болады.

"Ересектер балаға бір түсіндіргеннің жеткіліксіз екенін түсінуі керек. Балаға отпен ойнауға болмайтынын, ашық терезелерден аулақ болу керек екенін, ересектерсіз шомылуға болмайтынын, бейтаныс сұйықтықтарды ішпеу керегін, жалғыз жолдан өтпеуді, электр розеткаларына тиіспеу керектігін қайталап отыру керек. Тек айтып қана қоймай түрлі мысалдармен қауіптілігін көрсетуге де болады", - деп қосты Аружан Саин.

Еске салайық, 3 қыркүйекте қала билігі Алматыдағы көп қабатты үйлердің бірінің терезесінен құлап кеткен 3 және 5 жастағы екі баланың қайтыс болғаны туралы хабарлады. 5 қыркүйекте екі бала Нұр-Сұлтанда терезеден құлап, біреуі қаза болды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!



Join Telegram