Денсаулық сақтау және әлеуметтік даму министрлігіне Ақтөбе облысының әкімі Бердібек Сапарбаев балабақшаға қабылдау кезінде міндетті екпе салуды ұсынды, - деп хабарлайды Tengrinews.kz тілшісі.
"Бізде мынадай мәселе бар, діни көзқарастың салдарынан, білімсіздіктен, кей балаларға вакцина салынбайды. Сондықтан, менің ойымша, балабақшаға немесе мектепке барар уақытта міндетті түрде вакциналау қажет немесе сол туралы анықтаманы көрсетуі тиіс", - деді Бердібек Сапарбаев ҚР Үкіметінің отырысында.
Еске салайық, ҚР Денсаулық сақтау және әлеуметтік даму министрлігі екпе салдыруға қарсы гомеопаттарға сенбеуге шақырды. Вакцинация салмау - адамдарға инфекциялар көбейіп әр түрлі ауруларға тап болуы мүмкін.
Сонымен қатар, Қазақстанда мектептегі балалардың кәсіби тексерістен өткенін қайта тексеретін болады.
