Бас дәрігердің қамалуы: Тоқаев Нью-Йорктен тапсырма берді

25 Қыркүйек, 15:52
1
Бас дәрігердің қамалуы: Тоқаев Нью-Йорктен тапсырма берді - © akorda.kz
© akorda.kz

Президент Қасым-Жомарт Тоқаев Алматыдағы қамалған бас дәрігердің ісін анықтауды тапсырды, - деп хабарлайды Tengrinews.kz тілшісі. 

"Нью-Йоркте сапармен жүріп, Алматыдағы 4-ші қалалық аурухананың бас дәрігері және анестезиологының тұтқындалуы жөніндегі медицина қауымының өтініш-тілектерін оқыдым. Германия ауруханасында жасалған отадан соң қайтыс болған науқастың өлімін Заңға сәйкес тексеруді тапсырдым. Бұл мәселе Президент Әкімшілігі, Денсаулық сақтау министрлігі, Алматы қаласы әкімінің бақылауында", - деп жазған Президент Twitter желісіндегі парақшасында. 

Мұның алдында № 4 қалалық аурухананың бас дәрігері Қанат Тезекбаев тұтқындалғаны мәлім болған еді. Дәрігер Алматы полиция департаменті басшысы Серік Күдебаевтың ұлы қайтыс болған соң тергеуге алынған. Сондай-ақ бұл іс бойынша аурухана анестезиологы Асқар Тұңғышбаев тұтқындалған. 

Бас дәрігердің жары тергеушілер Нұрсұлтан Күдебаевтың өліміне себеп болған әрекетке айғақ көрсетпегенін айтады. Нұрсұлтан Күдебаевтың ұлы 2019 жылы тамыздың аяғында қайтыс болған. Ол Алатау ауданы прокурорының орынбасары қызметін атқарған. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай