Бас прокуратураның арнайы прокурорлары бюджеттің атқарылуын тексеру барысында прокурорлар анықтаған "Астрахан-Маңғышлақ" су құбырын қайта құру кезінде 6,4 миллиард теңге сомасына мемлекет қаражатын жымқыру дерегі жөнінде қылмыстық істі тергеп-тексеруді аяқтады, - деп хабарлайды Tengrinews.kz тілшісі.
"КазТрансОйл" АҚ-ның еншілес компаниясы - "Магистральдық Суағызғысы" квазимемлекеттік кәсіпорнының бұрынғы бас директоры, оның орынбасары, мердігер компанияның өкілдері және жобалау ұйымының құрылтайшысы ақша жымқырды деген күдікке ілінген.
"Қылмыстық істі тергеп-тексеру шеңберінде күдіктілердің 1,1 миллиард теңге мөлшеріндегі мүлкі анықталып, үкімнің орындалуын қамтамасыз ету мақсатында соттың санкциясымен тыйым салынған", - делінген хабарламада.
Қылмыстық іс сотқа жіберіледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!