Бас прокуратура бұрынғы қорғаныс министрі төңірегіндегі қауесетке жауап берді

Дина Шарипханова Корреспондент

Фото:gov.kz

Мәжіліс кулуарларында журналистер бас прокурордың орынбасары Әсет Шындалиевтен бұрынғы қорғаныс министрі Руслан Жақсылықовқа қатысты сұрады. Кеше бірқатар БАҚ оның ұсталғаны жөнінде ақпарат таратқан болатын, алайда бұл мәліметті экс-шенеуніктің өзі жоққа шығарды, - деп хабарлайды Tengrinews.kz тілшісі.

Мәжіліс кулуарларында журналистер бас прокурордың орынбасары Әсет Шындалиевтен бұрынғы қорғаныс министрі Руслан Жақсылықовқа қатысты сұрады. Кеше бірқатар БАҚ оның ұсталғаны жөнінде ақпарат таратқан болатын, алайда бұл мәліметті экс-шенеуніктің өзі жоққа шығарды, - деп хабарлайды Tengrinews.kz тілшісі.

Кеше қазақстандық БАҚ-тың бір бөлігі бұрынғы қорғаныс министрі Руслан Жақсылықовтың ұсталғаны туралы ақпарат жариялады. Кейіннен Жақсылықовтың өзі бұл мәліметті жоққа шығарды. Бұған көз жеткізу үшін Tengrinews.kz тілшісі бұрынғы министрге видеоқоңырау шалып, сөйлескен болатын.

Бас прокуратура не дейді?

Мәжіліс кулуарларында Бас прокурордың орынбасары Әсет Шындалиев бұл жағдайға қатысты пікір білдірді.

"Жақсылықов кеше өзі пікір білдірді ғой. Бізде қандай да бір іс немесе басқа әрекеттер жүргізілгені жөнінде ешқандай ақпарат жоқ", – деді ол.

Сондай-ақ, журналистер Шындалиевтен Жақсылықовтың пәтерінде тінту жүргізілді ме деген сұрақ қойды – бұл туралы кейбір пабликтерде ақпарат тараған еді.

"Ондай ақпарат менде жоқ", – деп қысқа жауап берді Бас прокурордың орынбасары.

Еске салайық, Руслан Жақсылықов 8 маусымда қорғаныс министрі лауазымынан босатылған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Қорғаныс министрлігі қауесет жалған ақпарат