Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Бас прокурор заңсыз митинг өткізудің жауапкершілігі жөнінде тағы да ескертті

20 Мамыр 2016, 11:14
0
© Ortcom.kz
© Ortcom.kz

Қазақстанның бас прокуроры Жақып Асанов заңсыз митинг өткізудің жауапкершілігі жөнінде тағы бір ескерту жасады, - деп хабарлайды Tengrinews.kz тілшісі. Бұл туралы ол Бас прокуратура жанындағы Заңдылықты қамтамасыз ету жөніндегі қоғамдық кеңестің отырысы барысында мәлімдеді.

Сөз басында Жақып Асанов Мемлекет басшысының тапсырмасымен Жер реформасы жөніндегі комиссияның құрылғанын, оған азаматтық қоғам институттарының басшылары мен белсенділері мүше болғанын айта кетті. Ал басқа аймақтардағы азаматтар комиссия жұмысына қоғамдық кеңес арқылы атсалыса алады. "Комиссияда талқыланған жұмыстар ашық өткізілу үстінде, ақпараттар БАҚ-тарда жарияланып жатыр. Арнайы ашылған jertyraly.kz сайтында қазақстандықтар өз ұсыныстарын қалдырып, сұрақ жолдай алады. Осылайша, жер мәселесіне қатысты қоғамдық, топтық, жеке пікірді білдіруге барлық жағдай жасалды. Дегенмен кейбір адамдар заңды елеместен, халықты заңсыз митинг өткізуге үгіттеп жүр", - деді Асанов.

"Митингті ұйымдастыру және өткізу тәртібі бақыланбайды. Қазір әлеуметтік және ұлтаралық алауыздық туғызу мақсатында жалған ақпараттар таратылып жатыр. Мұндай әрекет Қазақстан Республикасы заңына қайшы. Осыған байланысты қазақстандықтарды мұндай алауыздықтарға берілмей, тұрақтылықты, азаматтардың денсаулығын сақтау мақсатында азаматтық ұстанымдарыңызды көрсетуге шақырамын", - деді бас прокурор.

Ол рұқсат етілмеген митингке қатысушылардың жауапқа тартылатынын айтты. "Прокуратура туралы" заңның 25-бабының 2-бөлігін негізге ала отырып, заңсыз митинг ұйымдастырып, азаматтарды оған қатысуға шақыру, сонымен қатар, оған қатысу әкімшілік және қылмыстық жауапкершілікке әкеп соғатынын ескертемін. Құқық қорғау органдары кез келген заңбұзушылықтың алдын алуға және заң аясында қарастырылған шараларды қабылдауға міндетті", - деді Асанов.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай