+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қарашығанақ кен орнында қуаттылығы жылына 4 миллиард текше метр газ өңдеу зауыты салынады.
Қарашығанақ кен орнында қуаттылығы жылына 4 миллиард текше метр газ өңдеу зауыты салынады.
Батыс Қазақстан облысында өндіріс саласы тұрақты дамып келеді. Өңір басшылығы инвестиция тарту арқылы өндіріс орындарын ашып, отандық және жергілікті өнім түрлерін көбейтуді басты назарға қойып отыр.
Республика күні қарсаңында мұнай газ саласына қажетті кейбір жабдықтарды өндіретін зауыт іске қосылып, шикізат өндірісіне қажетті құрал-жабдықтар өндіріле бастады.
Өңірде өнеркәсіп көлемін арттыру бағытында Қарашығанақты кеңейту жобасы іске асырылуда. Өткен жылы 4-ші компрессор, ағымдағы жылы 5-ші компрессор пайдалануға берілді. Ал, 6-ші компрессордың құрылысы аяқталуға жақын. Аталған жоба Қарашығанақ кен орнындағы шикі газды дайындау, кері айдау және газды өндіру көлемін ұлғайтуға бағытталған.
Алдағы уақытта Қарашығанақ кен орнында қуаттылығы жылына 4 млрд текше метр газ өңдеу зауытын салу жоспарлануда. Қазір осы бағытта жұмыстар атқарылуда. Болашақта жаңа газ өңдеу зауытының іске қосылуы тұрғындарды, елде өндірілген тауар газымен қамтамасыз етуге серпін береді.
Сондай-ақ, Батыс Қазақстан облысына тартылған инвестиция көлемі артқаны айтылды. Өңір әкімінің айтуынша, БҚО-да тартылған инвестициялардың арқасында мыңнан астам жаңа жұмыс орны ашылған.
Елге инвестиция тарту – тек қаржы көзі ғана емес, сондай-ақ, шетелдік тәжірибенің, мүмкіндіктердің келуіне мүмкіндік ашу. Бұл өз кезегінде дамудың жаңа бағытына, ауқымды өзгерістерге, экономиканың әр саласына тың серпін береді. Осы бағытта Батыс Қазақстан облысында бірқатар жұмыстар атқарылуда.
Биылғы жылдың 9 айында негізгі капиталға салынған инвестициялар көлемі 437 млрд. теңгені құрады. Соның ішінде жеке инвестициялардың үлесі 342 млрд.теңге. Тартылған инвестициялардың арқасында өңірде 1 мыңнан астам жаңа жұмыс орны құрылды.
Өнеркәсіп саласында биыл 2,6 трлн.теңгенің өнімі өндірілді. Алдағы 5 жыл ішінде 2,4 трлн. теңгеге 42 инвестициялық жобаларды іске асыру жоспарланып отыр.
