Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Бауыржан Байбек Алматыдағы McDonald's құрылысы жайлы айтып берді

26 Қаңтар 2016, 12:06
2
© Strategy2050.kz
© Strategy2050.kz

Алматы әкімі Бауыржан Байбек "Алатау" кинотеатрының орнында жүргізілетін McDonald's құрылысы жайлы айтып берді, - деп хабарлайды Tengrinews.kz тілшісі.

ОКҚ брифингінде қаланың тарихи көрінісі туралы сұраққа жауап бере отырып ол мемлекеттің қорғауындағы нысандардың бар екенін жеткізді.

"Бірақ, сонымен қатар, Алматының сейсмикалық аймақта екені де белгілі. Яғни, бізге қауіпті көне ғмараттарды жаңасымен ауыстыру маңызды. Бұл процесті тоқтатуға болмайды. Шешім қабылдамас бұрын біз кинотеатрға барып көрдік. Ғимарат 20 жыл бос тұрды. Тұрғындар үшін мұның естелік екенін білеміз. Дегенмен инвестор келетінін білгенде ғимарат иесі де қатты қуанды", - деді Байбек.

"McDonald's компаниясы оны сатып алды. Мен фаст-фудты жақсы көрмесем де, көп адам оны сүйіп жейді. Қазір біз донер жеп жүрміз. Оның сапсының қандай екені белгілі, ал McDonald's - халықаралық бренд. Америкалық инвесторлардың көбі келген кезде "Мұнда McDonald's бар ма?" деп сұрайды. Олар бұл компанияның оңайлықпен шешім қабылдамайтынын біледі", - деді Алматы әкімі.

Ол шенеуніктердің қаланың тарихи маңыздылығын сақтауға ниетті екенін жеткізді.

"Дегенмен инвесторлардың қызығушылығын да ояту керек. Ал біз үшін құрылыстың жүргені маңызды. Себебі құрылыс барысында салық төленеді, жұмыс орындары ашылады. Мұның барлығы қала құрылысы кеңесінде талқыланады. Бұл шешім ұзақ уақыт бірден қабылданған жоқ. Сондықтан да, менің ойымша, Алматы біз жақсы көретін қалпында қалады, бірақ ол дами түседі", - деді қала әкімі.

Айта кетейік, McDonald's-тың Қазақстанда ашылатыны 2014 жылы қарашада белгілі болды. Ол кезде франчайзерлікті атақты бизнесмен Қайрат Боранбаевтың алғаны хабарланған еді.


Нравится
Поделиться
Пікірлерді көру (2)
Оқылып жатыр
Талқыланып жатыр
Бүгін
Апта
Ай