Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Базарда теракт жасамақ болған Тараздың екі тұрғыны ұсталды

05 Қыркүйек 2014, 17:51
0
©Тengrinews.kz
©Тengrinews.kz

Тараздың екі тұрғыны "Ауыл Береке" базарында теракт жасауға әрекеттенді деген күдікпен ұсталды, - деп хабарлайды Tengrinews.kz тілшісі Жамбыл облыстық ішкі істер департаментіне сілтеме жасап.

"2014 жылдың 5 қыркүйегі күні ішкі істер департаменті мен Ұлттық қауіпсіздік комитетінің Жамбыл облысы бойынша департаменті бірлесіп жүргізген жедел-іздестіру шаралары барысында 30 тамыз күні Тараз қаласындағы "Ауыл Береке" базарында террорлық әрекет жасауға әрекеттенген адамдар әшкере болды", - делінген таратылған хабарламада.

Департаменттің мәліметінше, ұсталғандар базарда кісі көп жиналған кезде автокөлікті өртеу арқылы жарылыс жасамақ болған. "Ойлары іске асқан кезде, оның салдары ауыр болатын еді - көп адам құрбан болып, айтарлықтай материалдық шығын келер еді. Полиция қызметкерлерінің қырағылығы арқасында жарылыстың алды алынды, өрт сөндірілді", - дейді департамент мамандары.

Сонымен бірге ұсталғандардың 2 қыркүйек күні "Ауыл Береке" базары аумағында жарылғыш зат қойылғаны туралы хабар таратқаны анықталды. Қазіргі уақытта күдіктілердің үстінен "Террорлық әрекет жасауға әрекеттену" және "Террорлық әрекет туралы көпе-көрінеу жалған хабар беру" баптары бойынша қылмыстық іс қозғалды. Олар уақытша ұстау изоляторына қамалды.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай