Bek Air ұшағы апаты: Қаза тапқандар саны артты
Bek Air ұшағының құлауынан соң қаза тапқандардың саны артты, - деп хабарлайды Tengrinews.kz тілшісі ІІМ ТЖК-ге сілтеме жасап.
"Алдын ала мәлімет бойынша, 9 адам қаза тапқан, 9 адам зардап шекті, оның алтауы - балалар", - деп мәлімдеді ТЖК-де.
Еске салайық, бүгін таңда Алматыдан елордаға ұшып шыққан Bek Air ұшағы биіктік жоғалтып, әуежайдан ұшып шыққан бетте құлаған. Бортта 95 жолаушы және экипаждың бес мүшесі болған. Индустрия және инфрақұрылымдық даму министрлігі әуе апаты салдарынан 7 адам қаза тапқанын мәлімдеген. Кейін желіде құлаған ұшақтың суреттері тарала бастады. Артынша Ішкі істер министрлігі Төтенше жағдайлар комитеті ұшағы құлағаннан кейін шұғыл желі ашылғанын хабарлаған. Тоқаев әуе апатынан қаза тапқандардың отбасына көңіл айтқан болатын.