Белгілі тележүргізуші Сәуле Әбединованың ұлы қайтыс болды 04 қаңтар 2018, 13:56
"Қазақстан" арнасындағы "Ақжүніс" бағдарламасы арқылы көпке танылған тележүргізуші Сәуле Әбілдаханқызының (Әбединова) ұлы дүние салды, - деп хабарлайды Tengrinews.kz тілшісі.
Әріптестерінің сөзінше, 25 жастағы жігіттің жүрегі тоқтаған. Бүгін марқұмды жерлеу рәсімі өтіп жатыр.
Сәуле Әбединованың Facebook желісіндегі парақшасында әріптестері көңіл білдіріп жатыр.
"Əпкетайым, жылаған жаныңызға қалай жұбаныш бола аламын?! Бұл қалай болғаны?! Ақ жарқын, ақ көңіл жүзіңізге қаяу түскенін қаламаймын. Өмір бар жерде қаза бар. Тас түскен жеріне ауыр. Қайғыңызға ортақпын. Өзіңізге бекем болыңызшы. Ұлыңыздың жаны жаннатта болғай!", - деп жазыпты Қалқаман Әбдірахманұлы.
- ПОДЕЛИТЬСЯ