Реклама +7(700) 388 81 09
  1. Басты
  2. Біл
  3. Жаңалықтар
  4. Ел жаңалықтары

Белгілі заңгер ресейліктерге Қазақстанға кіру ережелерін түсіндірді 23 қыркүйек 2022, 15:18

Қоғам қайраткері, заң ғылымдарының докторы Марат Бәшімов ресейліктердің Қазақстан аумағына кіру ережелері туралы айтты, - деп хабарлайды Tengrinews.kz
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
  • WhatsApp
  • Қате таптыңыз ба?

Фото:mgorod.kz Фото:mgorod.kz

Қоғам қайраткері, заң ғылымдарының докторы Марат Бәшімов ресейліктердің Қазақстан аумағына кіру ережелері туралы айтты, - деп хабарлайды Tengrinews.kz тілшісі.

Марат Бәшімов Facebook желісінде Қазақстанға ресейліктердің жаппай келуіне қатысты жағдайға пікір білдірді. Оның айтуынша, осы мәселе бойынша оған журналистер жиі жүгіне бастаған.

"Біздің заңнамаға сәйкес және халықаралық шарттар аясында Ресей Федерациясының азаматтары елімізде 90 күн бола алады, содан кейін олар кетуі керек. ЕАЭО азаматтары (Ресей, Қырғызстан, Беларусь, Армения) еңбек шарты негізінде Қазақстан Республикасы аумағында рұқсат алмай еңбек қызметін жүзеге асырады", - деп жазды Бәшімов.

"Жалпы, Ресей азаматтары елде 120 күн бола алады. Яғни, олар тіркеусіз 30 күнге және көші-қон органдарында тіркелгеннен кейін тағы 90 күнге қалуға құқылы. ЕАЭО-ның негізгі қағидаты - бұл тауарлардың, капиталдардың, көрсетілетін қызметтер мен жұмыс күшінің еркін қозғалысы. Сондай-ақ, мысалы, Еуропалық Одақта ережелер бар. Ресей, Беларусь және ЕАЭО-ның басқа да елдерінің азаматтары мұнда тек еңбек шарты негізінде жұмыс істей алады және оларға бұған рұқсат алудың қажеті жоқ. Сондықтан, Ресейден бизнесті бізге көшіру оңай, оларға АХҚО-да тіркелу жеткілікті", - деді Бәшімов.

Оның айтуынша, уақытша тұруға ықтиярхат та заңға сәйкес белгіленген алты құжат бойынша беріледі, олардың арасында мемлекеттік органдардың рұқсат беретін құжаттары да бар. Бәшімов құжаттар тізімінде төлқұжаттан басқа жұмыс орнынан анықтама, сақтандыру, банк деректемелері болуы мүмкін екенін атап өтті.

Марат Бәшімов кейбір азаматтардың ресейліктер үшін шекараны жабу туралы ұсыныстарына да пікір білдірді.

"Шекараны жабудың басқа жағымсыз жағы бар және кері реакцияға, экономикалық алмасудың нашарлауына әкелуі мүмкін, өйткені ол Қазақстанның солтүстік өңірлерінің азық-түлік қауіпсіздігіне әсер етеді, тауарлар мен азық-түлік импортына тәуелділік өте маңызды және бүкіл шекара маңындағы сауданы бұзуы мүмкін, тауарлардың қымбаттауы мен тапшылығына әкеледі", - деп жазды заңгер.

Сілтемесіз жаңалық оқисыз ба? Онда Telegram желісінде парақшамызға тіркеліңіз!


Join Telegram