14 сәуір 2022 13:46

Биыл түлектерге аттестат тапсыру салтанаты қалай өтеді?

Гүлнара Досымшалова Корреспондент

ПОДЕЛИТЬСЯ

Фото: Tengrinews.kz/Тұрар Қазанғапов Фото: Tengrinews.kz/Тұрар Қазанғапов

Биыл қазақстандық мектептерде соңғы қоңырау мен аттестат тапсыру дәстүрлі офлайн-форматта өтеді. Бұл туралы Білім және ғылым бірінші вице-министрі Шолпан Каринова мәлімдеді, - деп хабарлайды Tengrinews.kz тілшісі.


Биыл қазақстандық мектептерде соңғы қоңырау мен аттестат тапсыру дәстүрлі офлайн-форматта өтеді. Бұл туралы Білім және ғылым бірінші вице-министрі Шолпан Каринова мәлімдеді, - деп хабарлайды Tengrinews.kz тілшісі.

Каринова оқу жылының соңында соңғы қоңырау мен жалпы орта білім туралы аттестат тапсыру дәстүрлі түрде өткізілетінін айтты.

"Бұл екі іс-шара да дәстүрлі түрде, өткен жылдардағыдай белгіленген мерзімде өтеді. Биыл соңғы қоңырау 25 мамырда болады. Әр мектеп бұл шараны өз бетінше өткізеді. Аттестат тапсыру - бұл балалардың өміріндегі алғашқы маңызды құжат алуы, сондықтан бұл іс-шара да өтеді", - деді ол.

Оның айтуынша, ведомство қазіргі уақытта іс-шараларды өткізу форматы бойынша ұсыныстар дайындап жатыр.

"Оқу жылының аяқталуына әлі бір жарым ай бар. Біз ұсыныстарды дайындап әріптестеріміз бен БАҚ өкілдеріне жариялаймыз. Бұл жыл сайын өткізілетін іс-шара. Әрине, өткен жылдары коронавирусқа байланысты шектеу шаралары болды. Сондықтан іс-шараларды өткізе алмадық, ал биыл аттестат тапсыру білім беру ұйымдарының қабырғасында салтанатты түрде өтеді", - деп толықтырды Шолпан Каринова.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 446.77   483   4.85 

 

Ауа райы

 

Редакция Жарнама
Социальные сети