Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Бішкекте өлтірілген қазақстандық "Ислам мемлекетімен" (ДАИШ) байланысы бар лаңкестік топты басқарған

17 Шілде 2015, 16:13
0
Иллюстрация © Tengrinews.kz
Иллюстрация © Tengrinews.kz

Бішкекте өлтірілген қазақстандық "Ислам мемлекетімен" (ДАИШ) байланысы бар лаңкестік топты басқарған, - деп хабарлайды Tengrinews.kz тілшісі Қырғызстанның МҰҚК баспасөз хатшысы Рахат Сулаймановқа сілтеме жасап. Айта кетейік, арнайы операция ҚР астанасында 16 шілде күні кешке болды.

МҰҚК мәліметінше, арнайы операция кезінде төрт лаңкес өлтіріліп, топтың тағы жеті мүшесі ұсталды. Баспасөз қызметіндегілердің айтуынша, халықаралық топтың құрамына Қазақстан мен Қырғызстанның азаматтары кірген, оны 27 жастағы қазақстандық Жанболат Әміров басқарды. Оның 2015 жылы маусым айында 24 жастағы отандасы Альберт Абхинмен бірге түрмеден қашып кеткені белгілі. Кейін Абхин ұсталу кезінде өз-өзін жарып жіберді, ал Әміров қашып кетіп, іздеуде болды.

Бұған дейін қырғызстандық БАҚ Бішкекте көздері жойылған содырлардың Қазақстан азаматтары болғанын жазды. Болжам бойынша, өлтірілген содырлар Қазақстан территориясында пайда болып, әрекет еткен лаңкестік ұйымның қатарында болған. Содырлардың өз қатарына Қырғызстан азаматтарын тартуға мүмкіндігі болғаны хабарланды. "Содырлардың арасында біздің азаматтар бар", - деп хабарлады дереккөз. Алайда Қазақстан СІМ өкілдері Бішкекте көздері жойылған содырлардың азаматтығы жайлы мәліметті растамады. Ведомство өкілдерінің айтуынша, арнайы операция кезінде қазақстандықтар өлтірілді делінген мәлімет тексеріліп жатыр. 

Айта кетейік, Бішкекте болған арнайы операция кезінде МҰҚК арнайы бөлімшесінің төрт қызметкері ауыр жарақат алып, ауруханаға жатқызылды. Қарапайым халықтан ешкім зардап шеккен жоқ.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай