Рим Папасы Франциск Қазақстанға ұшып келді. Бұл туралы Ватиканның ресми сайтында жарияланды, - деп хабарлайды Tengrinews.kz тілшісі.
Бүгін таңертең Әлемдік және дәстүрлі діндер көшбасшыларының VII съезіне орай Рим Папасы Францисктің Қазақстанға 38-халықаралық апостолдық сапары басталды.
Рим папасы көлікпен Рим-Фиумицино халықаралық әуежайына барғаны, ол жерден Нұр-Сұлтанға A330/ITA Airways ұшағымен ұшқаны атап өтілді.
Қазақстан астанасының әуежайына қону Нұр-Сұлтан уақыты бойынша сағат 17:45-ке жоспарланған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
