Бұрынғы судья Қарлығаш Тәткееваға іздеу жарияланды

Дина Шарипханова Корреспондент

Карлыгаш Таткеева. Фото: qamqor.gov.kz

Бұрынғы судья Қарлығаш Тәткееваға іздеу жарияланды, - деп хабарлайды Tengrinews.kz тілшісі.

Құқықтық статистика органдары порталының сайтында 53 жастағы Тәткееваға іздеу салынғаны туралы ақпарат жарияланған. Ресми деректерге сәйкес, іздеуді бастауға бастамашы болған — сот.

Қарлығаш Тәткеева Жамбыл облысында дүниеге келген. 1990 жылы Букетов атындағы Қарағанды мемлекеттік университетінің заң факультетіне түскен.

1994 жылдың мамырынан бастап 1995 жылға дейін Жамбыл облысы Шу қаласының прокуратурасында тергеушінің көмекшісі болып жұмыс істеген. Университетті аяқтағаннан кейін, 1995 жылдан 2002 жылға дейін Жамбыл облысының прокуратура органдарында әртүрлі лауазымдарда жұмыс істеген:

азаматтардың өтініштерін қарау және ұйымдастырушылық-талдау жұмысы бөлімі бойынша аға прокурор;
ұйымдастырушылық-кадрлар бөлімі бойынша аға прокурор;
Сарысу ауданы прокурорының аға көмекшісі;
әлеуметтік-экономикалық саладағы заңдылықты қадағалау бөлімі прокуроры.

2002 жылғы сәуірден 2003 жылғы тамызға дейін Тараз қаласындағы "БНБ" ЖШС-нің құқықтық мәселелер жөніндегі директор орынбасары қызметін атқарған. 2003 жылғы 21 тамыздан бастап Қарағанды облысының мамандандырылған ауданаралық экономикалық сотының судьясы болып жұмыс істеген.

Сілтемесіз жаңалық оқисыз ба? Онда Telegram желісінде парақшамызға тіркеліңіз!