06 қараша 2020 13:45

"COVID-19-ды қайта жұқтырудың бес оқиғасы белгілі" - профессор алматылықтарға үндеу жасады

ПОДЕЛИТЬСЯ

© Алмаз Шарман © Алмаз Шарман

Қазақстанның Профилактикалық медицина академиясының президенті Алмаз Шарман Алматы өңірлік коммуникациялар қызметіне берген эксклюзив сұхбатында COVID-19-бен ауырып, жазылғандардың қауіпсіздік және алдын алу шараларын сақтау қажеттілігіне қатысты сұрақтарға жауап берді және тұрғындарға жалпы ұсыныстарын айтты, - деп хабарлайды Tengrinews.kz тілшісі Алматы әкімдігіне сілтеме жасап. 


Қазақстанның Профилактикалық медицина академиясының президенті Алмаз Шарман Алматы өңірлік коммуникациялар қызметіне берген эксклюзив сұхбатында COVID-19-бен ауырып, жазылғандардың қауіпсіздік және алдын алу шараларын сақтау қажеттілігіне қатысты сұрақтарға жауап берді және тұрғындарға жалпы ұсыныстарын айтты, - деп хабарлайды Tengrinews.kz тілшісі Алматы әкімдігіне сілтеме жасап. 

"Коронавируспен ауырып, жазылғандар бәрібір қауіпсіздік шараларын сақтаулары керек. Себебі коронавирустан басқа да біраз инфекциялар бар. Әсіресе қазір, тұмау маусымы басталып жатыр және аурудың алдын алып, ескерту маңызды. Тіпті сіз ауырып, жазылған болсаңыз да, коронавирус мұрын қуысында болуы мүмкін және вирус қол арқылы жұғуы мүмкін. Міне, сол себепті де маскалардың қалай болғанда да тиімділігі бар. Әлеуметтік қашықтықтың да маңызы зор. Коронавирусты қайтадан жұқтырудың 5 оқиғасы белгілі. Осындай деректер бар. Сол себепті қайта жұқтырудың болмайтынына 100 пайыз кепілдік жоқ", - деп атап өтті Алмаз Шарман.

Зерттеулерге сәйкес, ауырып, жазылып шыққандарда антиденелер пайда болып, дамиды. Бірақ, соған қарамастан, оның қанша уақыт сақталатыны белгісіз.

"Ауруды жұқтырғандардың бәрінің иммунитеті дамитыны белгілі нәрсе. Бірақ басылу (сөну) феномені де бар, антиденелердің бастапқыда циклы жоғары болады, бірақ неліктен екені белгісіз, кейіннен төмендеп кетеді. Алайда тағы бір үшінші жағдай бар, ол - вирустың мутацияға ұшырайтыны, ол өзгеріп отырады. Соған қарамастан оның өзгеріп отыратыны, дереу күшейіп, болмаса әлсірейтіні туралы дәлелдер бар", - деп атап өтті профессор.

Қала тұрғындарының алдын алу шараларын күшейту қажеттігі туралы айтқан қазақстандық профессор масканы қолдану кезінде оны дұрыс киіп, тағып жүру маңыздылығын атап өтті. Одан бөлек, әлеуметтік қашықтықты сақтау және адамдар көп жиналатын орындарға барудан шектелу сияқты басқа да алдын алу шараларын сақтау маңызды.

"Маска тағу өте маңызды. Бірақ, масканы дұрыс таққан жөн. Мен көп адамның масканы мұрындарын ашып, иегіне тағып жүретінін жиі көремін. Бәріне үнемі вирустардың көбі мұрын қуысында болатынын естеріне саламын, жай ғана ауызды жабу арқылы олар не өздерін, не басқаларды қорғамайды. Сол себепті масканы тағу және оны дұрыс тағу маңызды.

Екіншіден, маска тағу арқылы сіз тек өзіңізді ғана қорғап қоймай, басқаларын да ойлайсыз.

Үшіншіден, адамдар көп жиналатын орындардан аулақ жүруге тырысу қажет. Еуропа мен АҚШ-та неге екінші толқын басталып кетті? Күннің салқындауына байланысты, адамдар ғимарат ішінде жиі отыратын болды. Нәтижесінде, адамдар топтасады, ал көптеген ғимараттың желдетілуі қиын. Бұл темекінің түтіні сияқты. Егер сен ауасы желдетілмейтін бөлмеде отырсаң, темекінің түтіні бөлмеде айналып жүреді. Егер ғимаратта вирусты жұқтырған адам болса, вирусы бар аэрозоль ауада таралып, басқаларға жұғады. Сол себепті адамдар көп жиналатын орындардан, әсіресе, жабық ғимараттарға барудан аулақ жүріп, бөлмені желдетіп, қашықтық сақтау керек. Осы ережелерді сақтау арқылы өзіңді аурудан қорғауға болады", - деп қорытындылады Алмаз Шарман.

Қазақстан жаңалықтары. Соңғы жаңалықтар. Telegram желісінде бізге жазыл! 

Читайте также
Join Telegram

Валюта бағамы

 449.57   483   4.85 

 

Ауа райы

 

Редакция Жарнама
Социальные сети