1. Басты
  2. Біл
  3. Жаңалықтар
  4. Ел жаңалықтары

Дархан Кәлетаев Қазақстанның Украинадағы елшісі болып тағайындалды

Дархан Кәлетаев Қазақстанның Украинадағы елшісі болды. Мемлекет басшысының Жарлығы Ақорда сайтында жарияланды, - деп хабарлайды Tengrinews.kz тілшісі.

"Дархан Аманұлы Кәлетаев Қазақстан Республикасының Украинадағы Төтенше және өкілетті елшісі қызметіне тағайындалды", - делінген хабарламада.

Президент Жарлығымен Самат Исламұлы Ордабаев Қазақстан Республикасының Украинадағы Төтенше және өкілетті елшісі қызметінен, Қазақстан Республикасының Молдова Республикасындағы Төтенше және өкілетті елшісі міндетін қоса атқарушы қызметінен босатылды.

Сонымен қатар, Қазақстан Республикасының Иордан Хашимиттік Корольдігіндегі Төтенше және өкілетті елшісі Айдарбек Ануарбекұлы Тұматов Қазақстан Республикасының Ирак Республикасындағы, Палестина Мемлекетіндегі Төтенше және өкілетті елшісі қызметін қоса атқарушы қызметіне тағайындалды.


 "Абайға бет бұру..."