02 маусым 2021 10:36

Деградацияға әкеле ме? Сарапшылар поп-ит және симпл-димпл ойыншықтарының қаупін бағалады

ПОДЕЛИТЬСЯ

© elements.envato.com © elements.envato.com

Сарапшылар танымал поп-ит және симпл-димпл ойыншықтарының қауіпті екені туралы хабарламаларға жауап берді, - деп хабарлайды Tengrinews.kz тілшісі Stopfake.kz сайтына сілтеме жасап. 


Сарапшылар танымал поп-ит және симпл-димпл ойыншықтарының қауіпті екені туралы хабарламаларға жауап берді, - деп хабарлайды Tengrinews.kz тілшісі Stopfake.kz сайтына сілтеме жасап. 

Әлеуметтік желілерде мұндай фиджеттердің деградацияға әкелетіні, сондай-ақ жабысқақ әрекеттердің дамуына ықпал ететіні туралы хабарламаларды оқи аласыз. Бірақ мамандардың айтуынша, бұл олай емес.

"Баланы дамыту үшін кез келген ойыншық қажет. Менің ойымша, бұл ойыншық ұсақ моториканы жақсы дамытады - ол түрлі-түсті, әдемі. Баланы байлайтын әсеріне келетін болсақ, олар алдын ала қалыптасқан болар. Ойыншықтың олардың қалыптасуына қатысы жоқ. Кембридж ғалымдарының пікірінше, байлайтын әрекеттердің қалыптасуы бұл әрекет оған жағымсыз оқиғадан аулақ болуға көмектеседі деген сенімімен байланысты. Бұл ойыншық жарқын және әдемі болғандықтан балаларға ұнайды. Оның үстіне, балалар оны үнемі ойнамайды, олар басқа да іспен айналысады", - дейді отбасылық және балалар психологы Юлия Храмкова.

Санта-Круздағы Калифорния университетінің әлеуметтік эмоционалды технологиялар зертханасының мамандары зерттеу жүргізіп, поп-ит, симпл-димпл және спиннер сияқты фиджет ойыншықтары стресті азайтуға және зейіннің шоғырлануын арттыруға ықпал етеді деген қорытындыға келді. Зерттеуге қатысқан балалар фиджет ойыншықтар оларға эмоциялармен күресуге көмектесетінін растады.

Мәскеулік психиатр Алексей Казанцев танымал ойыншықтардан еш қауіп көрмеді. Оның пікірінше, бала бірнеше минут бойы фиджетпен ойнаса, оның психикасына еш зиян келмейді.

Поп-ит және симпл-димпл ойыншықтарының сапасына келетін болсақ, олардың қауіпсіздігі органолептикалық және санитарлық-химиялық көрсеткіштер, сондай-ақ таңбалау бойынша тексеріледі. Бұл туралы ҚР ДСМ санитарлық-эпидемиологиялық бақылау комитеті хабарлады.

"Қазақстан нарығында сатылатын ойыншықтардың қауіпсіздігі де сәйкестікті бағалау туралы құжатпен расталуы тиіс. Осылайша, ойыншықтарды сатып алу кезінде сатып алушы сатушыдан сәйкестік сертификатын сұрауға құқылы", - деді комитеттің ресми өкілі Ержан Байтанаев.

Осылайша басылым фиджет ойыншықтар балалардың психикасына айтарлықтай қауіп төндірмейді деген қорытындыға келді.

"Поп-ит және симпл-димпл стресс деңгейінің төмендеуіне ықпал ететінін растайтын зерттеулер бар. Бала силикон "көпіршіктерін" жарып жібергеннен деградацияға ұшырайды деп айтуға негіз жоқ", - делінген сайтта.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!

Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети