Демалыс күндері Қазақстанның басым бөлігінде аяз болады, - деп хабарлайды Tengrinews.kz тілшісі "Қазгидромет" кәсіпорнына сілтеме жасап. Мамандар 16-18 қаңтарға арналған ауа райы болжамын жариялады.
Синоптиктердің мәліметінше, Қазақстанның солтүстігінде Каспий теңізі аудандарынан циклон ауысып, ол бұрқасынды қар әкеледі. "Желдің жылдамдығы секундына 15-20 метрге дейін жетеді. Қазақстанның батысына Ресейдің Еуропа аумағы аудандарынан антициклон әсер етеді. Түнгі температура батыста 2-7 градус, кей жерлерде 12-17 градус аяз, солтүстікте, шығыста және орталықта 5-15 градус, кей жерлерде 25-30 градус аяз болады", - делінген хабарламада.