+7 (777) 001 44 99
ПОДЕЛИТЬСЯ
Денсаулық сақтау министрлігінің Санитарлық-эпидемиологиялық бақылау комитеті "Спутник V" вакцинациясынан кейін қазақстандықтарда пайда болған жанама әсер туралы айтты, - деп хабарлайды Tengrinews.kz тілшісі.
Денсаулық сақтау министрлігінің Санитарлық-эпидемиологиялық бақылау комитеті "Спутник V" вакцинациясынан кейін қазақстандықтарда пайда болған жанама әсер туралы айтты, - деп хабарлайды Tengrinews.kz тілшісі.
Комитет ресми сауалға жауап ретінде Қазақстан бойынша бірінші компонентпен 170 мыңнан аса адам, екінші компонентпен 60 мыңнан аса адам егілгенін хабарлады.
"Екпеден кейін елеулі қолайсыз жағдайлар тіркелген жоқ. Болжамды әсер вакцинациядан өткендердің шамамен бір пайызында тіркеледі. Жалпы саны - 1 501 адамда. Бұл барлық екпе салдырғандар санының 0,9 пайызы. Оның ішінде жанама әсер - 959 адамда, қалыпты жағдай - 542 адамда тіркелген", - деді ведомство өкілі.
Комитет 1 сәуірден бері өңірлерге "Спутник V" вакцинасының 150 мың дозасын жеткізу жұмысы жүргізіліп жатқанын айтты. Сәуірдің ортасында коронавирусқа қарсы вакцинаның 2,5 миллионнан аса дозасын жеткізу жоспарланған.
"Халықтың осал тобына кірмейтін адамдар вакцинаның жаңа партиясы келіп түскеннен кейін, шамамен сәуірдің екінші жартысынан бастап екпе салдыра алады", - делінген комитет жауабында.
Бұған дейін Денсаулық сақтау министрлігінде QazCovid-IN коронавирусына қарсы қазақстандық вакцинасын салдырған еріктілерде қандай жанама әсер пайда болғанын айтқан еді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
