Думан Қожахметов "Қазконтент" АҚ басқарма төрағасы болып тағайындалды. Бұл туралы компанияның сайтында айтылады, - деп хабарлайды Tengrinews.kz тілшісі.
Ол бұл қызметке басқарманы 2017 жылдың мамыр айынан бері басқарған Евгений Кочетовтің орнына келіп отыр.
Ашық дереккөздердегі мәліметтерге сүйенсек, Думан Кожахметов 1984 жылы Петропавлда дүниеге келген. Астанадағы Гумилев атындағы Еуразия ұлттық университет пен Мәскеудегі Ломоносов атындағы Мәскеу мемлекеттік университетін аяқтаған.
