Екібастұздықтарды қыста не күтеді? Павлодар облысы әкімінің жауабы

Павлодар облысының әкімі Асайын Байханов Екібастұздағы былтырғы жағдай өңірде қайталанбауы үшін қандай жұмыстар атқарылып жатқанын айтты, - деп хабарлайды Tengrinews.kz.

ОКҚ-де өткен брифингте Асайын Байханов өткен жылыту маусымы әсіресе екібастұздықтар үшін қиын болғанын мойындады. Әкім былтыр қыс мезгілінде 30 градус аязда жылусыз қалған жағдайды тұрақтандыру және қайталамау үшін бес бағытты атап өтті.

"Президент тапсырмасы бойынша қарашада дереу кешенді жылу аудитін бастадық, оның бірінші кезеңі аяқталды. Бұл бізге гидрологиялық режимдерде біршама бұрмаланулардың және жалпы алғанда, жылу жүйесіндегі теңгерімсіздіктің бар екенін көрсетті.

Екінші бағыт – тоқсандық және магистральдық жылу желілерін ауқымды жөндеуге кірістік. Сәйкесінше, алдағы уақытта ауқымды жұмыс бар. Жұмыстың бірінші бөлігіне, көктемде жоғары қысымды гидрогеологиялық сынақтар жүргіздік. Жылу желілерінің ең осал жерлері тоқсандықта, магистральдықта зақымдалған. 200-ге жуық шығын анықталып, олар толығымен жойылды", - деді Асайын Байханов.

Асайын Байхановтың айтуынша, облыс биыл қыркүйекте өтетін екінші күзгі сынақтарға дайын.

"Үшінші бағыт - жылу электр станцияларының өзінде жөндеу жұмыстары жүргізіліп жатыр. Жұмыс Екібастұз ЖЭО-да 10 қазандық агрегаты болатындай етіп бөлінген, оның 5-і энергетикалық және 5-і ыстық су қазандығы. Жөндеу және демонтаждау жұмыстары аяқталды. Бүгінде материалдар кезең кезеңімен қабылданып жатыр. Олар монтаждау жұмыстарын жүргізіп жатыр. Бұл жұмыстар кезең кезеңімен аяқталады. Жылу кезеңі басталғанға дейін қазандықтардың бірінші бөлігі дайын болады. Қазандықтардың резерві болып саналатын екінші бөлігі қыркүйек, қазан, қараша айларында іске қосылады", - деді Асайын Байханов.

Асайын Байхановтың айтуынша, Екібастұз қаласының толыққанды жұмыс істеуі үшін, тіпті 37-40 градус қатты аязда ЖЭО-да төрт ыстық су қазандығы мен екі энергетикалық қазандық жұмыс істеуі керек.

"Бесінші жұмыс - көппәтерлі тұрғын үй қорын дайындау. Өздеріңіз білесіздер, біздің сервистік компаниялар көппәтерлі тұрғын үйлерді жылыту маусымына әрдайым сапалы дайындалмайды. Екібастұзда 690 көппәтерлі тұрғын үй бар. Біз 184 көппәтерлі тұрғын үйді анықтадық, меншік иелерінің бірлестігі басқарушы компания болып саналмайды. Бұл үйлер өнеркәсіптік кәсіпорындар арасында бөлінген және олар бізге көмектеседі", - деді облыс әкімі.

Әкім соңғы 10 жылда алғаш рет Екібастұздағы 690 үйдің 570-і қысқы жылу маусымына дайындықты бастағанын айтты.

Осыған дейін елорданы дамыту мәселелеріне арналған кеңесте Президент Қасым-Жомарт Тоқаев Үкіметке барлық өңірлердегі жылыту маусымына дайындықты бақылауға алуды және Екібастұздағы жағдайдың қайталануына жол бермеуді тапсырған болатын. Премьер-министрдің бірінші орынбасары Роман Скляр Екібастұз ЖЭО-да жөндеу жұмыстарын жүргізуге жеке кепілдік берген болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!