Ермегияев "Астана ЭКСПО-2017" ҰК" АҚ басқарма төрағасы қызметінен босатылды

11 Маусым 2015, 22:45
0
Ермегияев "Астана ЭКСПО-2017" ҰК" АҚ басқарма төрағасы қызметінен босатылды -

Мемлекет Басшысының Өкімімен Талғат Амангелдіұлы Ермегияев "Астана ЭКСПО-2017" Ұлттық компаниясы" акционерлік қоғамының басқарма төрағасы қызметінен босатылды, - деп хабарлайды Tengrinews.kz тілшісі Ақордаға сілтеме жасап.

"Мемлекет Басшысының Өкімімен Астана қаласының әкімі Әділбек Рыскелдіұлы Жақсыбеков "Астана ЭКСПО - 2017" Ұлттық компаниясы" акционерлік қоғамының басқарма төрағасы қызметіне тағайындалды. Мемлекет Басшысының Өкімімен Талғат Амангелдіұлы Ермегияев "Астана ЭКСПО - 2017" Ұлттық компаниясы" акционерлік қоғамының басқарма төрағасы қызметінен босатылды", - делінген хабарламада. Бұл қызметке Ермегияев 2013 жылы Президенттің бұйрығымен тағайындалған болатын.

Ал Әділбек Жақсыбеков 2014 жылдың 22 қазанында Астана әкімі болып тағайындалған еді. Оған дейін ол жарты жыл бойы ҚР Мемлекеттік хатшысы қызметін атқарды. Сонымен қатар, 2008-2009 жылдары Қазақстанның Ресей Федерациясындағы Төтенше және Өкілетті Елшісі болып жұмыс істеді. 2009-2014 жылдары Қорғаныс министрі қызметін атқарды.

Жақсыбеков әр жылдары Қазақ КСР-і Мемлекеттік кино және Мемлекеттік жабдықтау жүйелерінде жұмыс істеді, бірқатар кәсіпорынға жетекшілік етті. 1988-1995 жылдары "Цесна" көпсалалық корпорациясының басшысы болды. 1995 жылы Парламент Сенатына сайланды. Ақмола облысы әкімінің орынбасары болды. 1997-2003 жылдары Астана әкімі, 2003-2004 жылдары ҚР Индустрия және сауда министрі қызметтерін атқарды. Содан кейін төрт жыл бойы ҚР Президенті Әкімшілігін басқарды. 2008 жылдың қаңтарынан қазанына дейін "Нұр Отан" ХДП төрағасының бірінші орынбасары - ҚР Президентінің кеңесшісі болды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай