1. Басты
  2. Біл
  3. Жаңалықтар
  4. Ел жаңалықтары

"Ешкім жасын тыя алмады": Жаңаөзенде көшеде табылған сәби асырап алынды 20 желтоқсан 2020, 14:30

Жаңаөзенде далада табылған сәби асырап алынды. Бұл туралы Маңғыстау мамандандырылған балалар үйінің бас дәрігері Сара Ермұханова мәлімдеді,
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

© Lada.kz © Lada.kz

Жаңаөзенде далада табылған сәби асырап алынды. Бұл туралы Маңғыстау мамандандырылған балалар үйінің бас дәрігері Сара Ермұханова мәлімдеді, - деп хабарлайды "Лада".

"Асырап алушылар нәрестені бірінші рет көруге келгенде, ешқайсымыз көз жасымызды тыя алмадық. Барлығы үшін бұл тағдыршешті кездесу болды. Отбасы ұзақ уақыт бойы балалы бола алмай жүрген екен. Олар тастанды сәби туралы жаңалықтардан көріп, оны бірден бауырына басқысы келді. Қазір отбасы қамқоршы ретінде, бірақ, әдетте, қамқоршылардың көбі кейін асырап алушы ата-ана болады. Бұл тек уақытша мәселе", - деп атап өтті Ермұханова.

Еске салайық, 11 қыркүйекте Жаңаөзенде нәресте табылды. Дәрігерлер сәбидің жағдайын ауыр деп бағалаған болатын. Баланың салмағы екі келі 740 грамм болды. Ол ауруханаға 31 градус температурамен түскен.

Бір ай ішінде бала бір келіге жуық салмақ қосты, содан кейін дәрігерлер оны нәрестелер үйіне ауыстыруға шешім қабылдады. 

Маңғыстау облыстық полиция департаментінің баспасөз қызметі өкілдері соңғы мәліметтер бойынша, баласын көшеде қалдырып кеткен ана табылмағанын хабарлады.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!