Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

"Хабар" басшысы шетелдік арналардан жарнама көрсетуге тыйым салу туралы: Мәселені дабыраға айналдырған

29 Желтоқсан 2015, 17:24
1
© Unionnews.ru
© Unionnews.ru

"Хабар" агенттігі" АҚ төрағасы Айдос Үкібаев шетел арналарынан жарнама көрсетуге тыйым салу туралы пікірін айтты. Ол мәселенің дабыраға айналып кеткенін алға тартты, - деп хабарлайды Tengrinews.kz тілшісі.

"Шын мәнінде біз ойлағадай үлкен өзгеріс болған жоқ. Тақырыпты өрбітіп жіберген. Мысалы мен өз елімнің азаматы ретінде елімізге тиесілі ақшаның осында қалғанын қалаймын. Мәселе басқада, біздің ақпарат кеңістігімізде басқа елдің ақпарат құралдарының өкілдері неліктен біздің ақшаны өздеріне алып кетеді? Бұл ақшалар не үшін желге ұшуы керек?", - деді Үкібаев тілшілердің сұрақтарына жауап беріп отырып.

Ол Қазақстан азаматы ретінде бұл ақшаның елімізде қалғанын қалайтынын жеткізді. "Мысалы, біз де, біздің әріптестеріміз де жарнама нарығында ақша тауып отыр. Әсіресе жекеменшік арналар бюджеттен қаражат алмайды. Олар бұл қаражатқа сапалы контент жасайды, телехикаялар, тарихи және биографиялық хикаялар түсіреді. Бұл өзгерістен ешкім зардап шекпейді. Осы қаражатқа біз көлік немесе жанармай сатып алар едік. Сосын алыс ауылдарға барып, қызықты кадрлар түсіруге мүмкіндік туады. Мәселе осында", - деді агенттіктің басшысы.

Ол шетелдік арналардың елімізде көрсетіле беретінін, тек жарнама беру жағына ғана өзгерістердің енгізілгенін айтты. "Сіздер елестетіп көріңіздер, мысалы көрші елге барып біз ақша табуға мүмкіндік бермей жатыр деп шу шығара аламыз. Депутаттар көрші елде түсірілген сюжеттерді аз көрсетуді немесе оларды Қазақстанда мүлде алып тастауды ұсынбайды. Тек жарнама беру жағынан шектеулер енгізілді. Шетел арналарынан жарнама көрсетуге ғана тыйым салынды", - деді Үкібаев.

Ол жаңа жылдан бастап жарнама берушілер көбейеді деп күтіп отырғанын жеткізді. "Мамандар есептеген 4 миллиард теңге біздің нарықта қалады деп күтіп отырмыз", - деді ол.

Айта кетейік, 2016 жылдың 1 қаңтарынан бастап елімізде шетелдік арналардан жарнама көрсетуге тыйым салынды. Бұл бастаманы отандық телеарналардың басшылары қолдап отыр. Олар жарнама берушілердің көбі шетелдік, соның ішінде ресейлік телеарналарға жарнама беретіндерін алға тартты.


Нравится
Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай